اليضحك بوجة الفقير ايعيش امير

[رغد قصاب]

حسن كتاب الطائي

اليضحك بوجة الفقير ايعيش امير
اليبوك المسجد بحجه رغيف
الله يكتبلة اجر
النخلة مو احسن من الله
حجار نشمرهه وتذب انة تمر
اليريد يصير كلشي يصير كلشي
ماكو بل دنيا حلم
اليكعد بكلب التواضع يوصل بصف النجم
اليريد يصير مرجع
خل يفصل عمتى بدلة زفاف
ايصير رب
اليريد يصير قائد
خل يقود الضيم خارج خارطتنة
الينحني الترجية بنيت صريفة
يعلك على الكعبة راية
اليمسح دموع الارامل
الله يمسح سيئاتة
اليكعد على الكرسي
لا زم يدك غنوة حاسبينك
حاسبينك مانسينة ولا يتيم
موش يكعد عل كراسي
ويدك غنوة انت انت
والله يمعودين متنا
هاي صار سنين مانسمع طرب
نسمع رصاص
وثعولة دخان وشفايف رصيف تريد دم
ونهر جاسم بينة خضر
نكرت السلمان ندفنها بصبرنا
ومانسولف
لئن ماضلت سوالف
نركض على العيشة ركضت عاشكين
ونسجد لزغر حرف ونحسبة ربنا
الخبز رب الجايعين
نصلي للفاتح شليلة حتى لو اسمة يزيد
اليكفر بوجه اليجوع الله يحسبه عبداة
حسن كتاب الطائي

[كاظم الفضلي]

قصيدة جميلة من الشعر الشعبي العراقي
تتحدث عن معاناة شعب واستذكار الماضي
الجميل وفقدان الأمان دون الأمن والأستقرار
تحيتي لك ..