الأرض .. تتكلم عربي

[كاظم الفضلي]

الدنيا نزعت ثوب آمية زمان

ومن نزل وحي السماء ..

قال اقرأ يارسول الله البيان

قال أقرأ وربك الأكرم

والأرض صارت أدين

وكتبت التأريخ بعجاز وقلم

اقرأ ..

وقبل ماأسمع همس روحي أليّ

الأرض بالعربي صارت لغه

والحضاره امجاد تتكلم ..

مو لفظ يلفظ لسان

العصور الماضيه بذهني حقيقه

والحقائق باليقين أنسان

ومرت أقوام وشرب بيهه الدهر

وابتلينه بناس تتعكز عله الماضي مبادئ

والعروبه أشلون نقراها عرب !؟

والصبح نعرف آذان !؟

وكممو أفواهنا وصرنه حفاة

وصرنه نتسول تتطورنا فقط سد الرمق

والزعامه سيوف تقطع باللسان .

الطغاة ..

الحكومات العراقتها عنف

والزعامات الترويها الدماء

مانزل سلطان بيها من السماء

الولاء الخوف موصورة آمان

احنه صوّرنه الطغاة ..

وحللو دمنه ونتيجتنا

صنف يتوارث شعب خرسان

بيازمان ؟؟

نبيع ماضينه شفاعتنه دعاء

ونعتق الأفكار لا تبقه حبيسه بلايه أذان

ونطلق الآه الخنقناها هتاف

وتمتد الأجساد ساتر مو جدار

واحنه ساترنه وطن اغله الأوطان

ومو ظنون ..

لا يقيناً .. عدنه صبر الكَاع صبر الأنبياء

أثور لو رادت على الظالم تريد

يتحول السلطان حفنه من الرماد

وأنت ياشعب الذرى اجروحك نشيد

الثوره واقع حال تغيير المحال

مو أراده اتصير تمزيق البلاد

ولا ملاذ الأمن لجرم العباد

هي ثورتنا عروبتنا وطن

والحدود أتصير مقبرة الغزاة

التحرر للأرض أسمى السمات

أنريد قائد .. مو عميل أيصّنف الثوّار

أشلاء وممات ..

أنريد من نهتف نعّفر أوجوهنه بأرض الصلاة

والجروح بجسد تونس من مصر نصنع ضماد

والقدس بغداد نادت من غزه فلول الرعاة

نزفت النهران هَم بلون وجهه الناس

اعوذ برب الفلق ..

أعوذ برب الناس ..

يمته أنلم بعضنه وأنطرد الأنجاس

مو أحنه العرج عدنه الرسول وثبّت الأيمان

مو عدنه الشمس تحضن وطنه وتبرد النيران

تمد أخيوطها أتشد الزنود سيوف

من بين السحاب اتصير سبع ألوان .

كاظم الفضلي

[ريمه الخاني]

نعم الأرض تتكلم عربي في كل البقاع
دمت عربيا أصيلا وتثبيت

[محمد الشلقامى]

دمت اخى كاظم ودام قلمك الحر فى خدمه الارض التى تتكلم عربى

[كاظم الفضلي]

شكراً سيدتي الفاضلة ريمه الخاني على مشاركتي
الرأي وأقدر لك التثبيت .. حمى الله أمة العرب
وحفظ الخيرين فيها .

كاظم الفضلي

[كاظم الفضلي]

الشاعر المبدع محمد الشلقامي .. لك ودي
وأقدر لك وطنيتك وانتمائك الأصيل . دمت
مبدعاً .

كاظم الفضلي