يقيناً .. لا

[كاظم الفضلي]

صدكـَ مر الرصاص بجسمه بلا شوف
وصدكـَ شفت الرصيف إيكَوم ..
لم جرحه
لم نزفه
لم وجهه .. لكَه بوجهه غيره وراس ماطخ يوم
بس شاف الرصاص إيلوذ بالذله
يظنون الفراح لو مات ماكو أشفاف
تضحك تصنع الفرحه
ويظنون النخل لو مات إيطيح وينثني بجرحه
يقيناً لا ..
العراقي إيشيل كل الموت بعيونه
الطعم طعم الفرح والخوف
معجون بيقينه وزاده وملحه
وتوضه الشارع بدمه
شهم ماهمته الطلقات
لوجته الأدين الغادره بذبحه
شهم بيه الطباع أهواي
طيب .. ومرجله
الغيره .. أنتمائه
الليل من يغتاض بين أهله وعمامه
أيشد بعزته وصبره
العراق أيصير بحزامه
أبد مانبجي السنين ونحزن بفركَاه
كَعدنه أنعيد كل ذكراه
ويضل أسم الشهيد إيمامنه وحضره
نطحله بصبرنه أنذور
من عازة صبرنه أنصيرله الرحه
عزيز ومن تعد أزلام أول ماتعد الزين ..
لأن حط روحه رمح
ماذل يوم ..
لو باع الضمير وفرهدو رمحه


كاظم الفضلي

[ريمه الخاني]

السلام عليكم
وقصيدة جديد من روح العراق الجريح
دمت مبدعا

[كاظم الفضلي]

الكاتبة والأديبة السيدة ريمه الخاني .
عيد مبارك وتحقيق الأماني وتوفيق
من الله وجعل أيامكم خير والفرسان
في تألق ورعاية الباري عز وجل . شكراً
سيدتي الكريمة على متابعتكِ ورعايتكِ
المتميزة لكل الفرسان على فضاءات
الأبداع والود . وتقديري وأعتزازي لتفضلكِ
بالتثبيت ولولا أن يكون المنتدى بهذا المستوى
والنجاح لما أصبح حافزاً للكتابة والعطاء .
محبتي للجميع .

كاظم الفضلي

[ذيبان]

جميلة هي اللهجة العراقية وأظن ان هناك تقارب ما بين الخليجي والعراقي
مودة
ذيبان

[كاظم الفضلي]

المبدع ذيبان .
أكيد هناك تقارب وكثير ماتستخدم المفردات المتشابهة
تحياتي لك ومحبتي وشكراً لمرورك الكريم .

كاظم الفضلي