يا ما يا حبي تعبت كتير
يا ما يا حبي سهرت كتير
يا ما يا حبي نزلت البير
وكل ما أقوم علشان أشرب
يقع السطل جو الزير
جايز الحظ لسه مجاشي
واللي قاعدلي اسمه نكير
يوم ما عرفتك جاني بشير
أبشر يا ابني وشم عبير
ساعة البشرى كنت حطير
ورحت أرفرف كالعصافير
حتى الفرحة هبت قلبي
ورحت في حلمي كسرت الزير
ما أنا مستني سنين وسنين
أدعي المولى وهو خبير
ما أنا غلبان ما عندي ضمير
لما الخضرة سبتني وراحت
ولما سبتني اتعبى البير
كانت عندي كيف أمشير
يوم طهقانه . يوم مرضاته
يوم فرحانه ....
ويوم تقوم بالزعابير
أنا مبسوط إني عرفتك
بنت الاصل ليها أمير
فأهلا بيك وفوق راسي
وجو عنيه وقدام ناسي
تشربي شاي والعشوة حدانا
ديك محمر بالبرابير
أنا منتظرك أوعي تغيبي
بس تعالي في حارة الغالي
ولما حنقعد وجه لوجه
ميه والف هتلاقي الفن
بقلم :سيد يوسف مرسي