منتديات فرسان الثقافة - Powered by vBulletin

banner
صفحة 2 من 3 الأولىالأولى 123 الأخيرةالأخيرة
النتائج 11 إلى 20 من 27

الموضوع: سحريات 2

  1. #11
    [ سَحَريّات]
    ( ❤️ )
    قرأت اليوم هذا البيت الدافىء .. :
    - أقسمتُ لايهوى فؤادي غيرها ..
    وعشقتُ تسعا بعدها بطحالي ..!!
    …فأكملتُ من عندي.. وقلتُ :
    ولعل في البنكرياس واحدة مختبئة..
    وأخرى بين ثنيات المرارة تتعذبُ..
    بل .. قد تكون بين نياط القلب مجموعة..
    من النساء يتبادلن الأماكنَ ..!!
    ولن يعترف من كانت رئتاه بعطر تتعثرُ..
    حيثُ فتاة بخفيها تتراقصُ..

    هههه ابتسموا أحبتي..!!
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  2. #12
    [ سَحَريات ]
    ( 🦜 )
    مبارح بعد العصر ..
    وأنا قاعدة على البلكونة مع كاتوية وفنجان قهوة ؛
    تقعدوا بالخير..؛
    إجى عصفور و وقف على حوض الزريعة قدامي ؛
    وصار يزقزق.. شقفتلو نتفة من الكاتو ؛
    وحطيتلو ياها على طرف الطاولة ؛
    فورا.. نزل لقطها بمنقارو وطار ؛
    اليوم الصبح.. تصبحو بأنوار النبي ؛
    يادوب حطيت صينية القهوة ؛
    عشرين عصفور صارو يزقزقوا حوالين البلكونة !!
    الله وكيلكن..
    جبت ربطة خبز وصرت فت فتافيت وزت ع الأرض ؛
    وهالعصافير عملو بارتي مع سفرة بوفيه مفتوحة ؛
    بعدين عبيت زبدية مَي وصمدتها قدامهن ؛
    صارو يطيرو فوقها ويرفرفو ؛
    سبحان الله ؛
    الله يجزيك الخير ياصديقي الصَدوق ؛
    هو مَن علمَني أديش بتكون نقرة العصفور ؛
    لقمتو زغيرة.. وأجرها عند ربك عظيمة ؛؛
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  3. #13
    [ سَحَريات ]
    1444 عاما على الهجرة المباركة
    تركَ رسول الله مكة المكرمة واتجه للمدينة المنورة؛
    المدينة المنورة استقبلتْ رسول الله باحتفال كبير؛
    أقامَ فيها رسولا نبيا مبشرا نذيرا؛
    مبلِغا آيات الله وكتابه الكريم؛
    مرسِخا العدالة والأمان وكلمة السواء؛
    فلا أحد فوق القانون؛
    الجميع له حقوق وعلى الجميع واجبات؛
    استقبلَ وفودا سمعتْ بعدالة الإسلام؛
    فجاءتْ تطلبُ المعارف منه وتسمع كلام الله؛
    عادَ لدين الله الإسلام بهجته ببعثة محمد هاديا؛
    بعد أن خبى وهجه بتتالي الأحقاب؛
    فصدّق بما جاءَ من قبله من كتب وأنبياء؛
    ووضعَ عن الناس إصرهم والأغلال؛
    وأن لا وسيط بين الإنسان وربه؛
    وأن لا إكراه في الدين فقد تبيّن الرشدُ من الغَي؛؛
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  4. #14
    [ سَحَريات ]
    من مبارح صارلها واقفة ع الحيط بالكوردور !!
    يمكن صفنانة.. يمكن حردانة.. يمكن زعلانة !!!
    يمكن متفاجأة.. يمكن متضايقة.. !!!
    مابعرف شو إسمها : طولها سنتمتر واحد، لونها كستناوي،
    وزنها شوية غرامات، شكلها مقبول، ماشفت عيونها
    لابسة ومستورة ولافة حالها لفلوفتين
    تبدو هادئة، ماسمعت صوتها
    الوضع ماترون من أمر
    يلي عندو فكرة عنها يحكيلنا
    سحورة تتساآل ؟
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  5. #15
    [ سَحَريات ]
    ( عَ المغرب )
    مبارح كنا صايمين وانعزمنا ع الفطور أنا وزديقة طيبة شرواكن بالخير !!
    بعد ما أُطعمنا .. .حمدنا الله وشكرنا نعمه وفضله ؛
    أُقيمَت صلاة المغرب ؛
    وقفنا صف واحد وكنا يعني شي 25 حِرمة ؛
    إي نعم ..
    أنا بطبعي بحب الصفوف الأخيرة بكل مجلس !
    أو طراف المكان أو سند الحيطان !
    ولسه الإمام يادوبك عم يقول : استوووا !
    نطتْ وحدة من الصف الأول وركدتْ لعند زديقتي ؛
    وقالتلها بسرعة : ضبي رقبتك باينة من تحت الغطا !؟
    زديقتي قالتلها : والله المنوبوز بخليني بالزور اتنفس !؟
    المخلوقة مافهمتْ الحكي وراحتْ لعند الصبية يلي قدامي وقالتلها :
    ليش قاعدة ع الكرسي ماتقومي تصلي واقفة :
    البنت اتطلعت فيها وقالتلها عاملة عملية بركبتي ومركبة مفصل !؟
    لهون وما مشي الحال .. كملِتْ لعند الست المقرفصة ع السجادة وقالتلها :
    ليش متربعة ! شلون بدك تسجدي وتركعي ؟؟
    المخلوقة برعب جاوبتها : معي ارتجاع مري مابقدر طخي بنوب !؟
    تابعتْ فتلتها ع الموجودات وراحتْ لعند وحدة قاعدة ع رخامة الباب وحدها ..
    وليش حضرتك مو سادة الفُرج بين النسوان ! في محل تعي لهون ؟!
    الحرمة حاطة كمامة قالتْ وصوتها مخنوق والله حاسة حالي مرشحة قلت ابعد عن الناس خطي ينعدوا مني ..!!
    كملتْ مشروعها الفقهي وراحتْ عند بنات زغيرات بآخر المجلس :
    ماتقوموا تصلوا معنا .. ! شوصاير عليكن ..!!
    البنات احمروا واخضروا واصفروا ..
    مامنقدر نصلي جايين مع إماياتنا !!؟
    بعد هالدورة ع الموجودات اتطلعتْ فيني ؟!
    خفتْ منها وارتعبتْ قلت ياترى شو رح يطلع معها عني يا حزركن ..!؟
    قال ليش ماعم تصلي بغطى وخراطة !؟
    شو بدي قلها وفستاني ماكسي يابعدي وشالي مترين وبردانة ولافة حالي بجاكيت صوف !؟!؟!
    نسيتْ قلكن تبع :
    ليش مادة رجليكي باتجاه القبلة ؟؟
    الست مدعبلة دعبلة مو قادرة تطوي رجليها !!!!
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  6. #16
    [ سَحَريات ]
    ( 🕋 )
    زارتني صديقة أجنباوية يوم الجمعة ظهرا..!
    وعلى قناة مكة الفضائية كنتُ أتابع الخطبة والصلاة..!
    جلستْ صديقتي قرب التلفزيون.. !!
    صمتتْ والتصقتْ بالشاشة تتأمل المصلين..!!
    كانتْ تدور بأعينها بين تفاصيل المكان المهيب..!!
    الكاميرا حينها كانت تتنقلُ بذكاء في عدة مواقع داخل الحرم الشريف وقد امتلأتْ ساحاته..!!!
    تصورُ الناس بين راكع وساجد وقاعد وقائم ومصل..!!!
    لم تلتفتْ لفنجان القهوة الذي قدمتُه لها..!!!
    كانتْ مأخوذة بالمشهد تنصتُ باهتمام لصوت القارىء..!!!
    مبهورة بالثياب البيضاء التي يرتديها المعتمرون..!!!
    وحين نادى الخطيب أن ( استووا )
    فقد قامتْ الصلاة..!!!!
    وبعدة ثواني انتظمتْ الصفوف حول الكعبة المشرفة..!!!!
    التفتتْ إلي وقالتْ :
    '' هل جاء كل هؤلاء الناس بمحض إرادتهم !؟!
    هل جاؤوا دون إكراه !؟!
    ولم يدفعهم أحد أو يضغط عليهم !؟!
    أهكذا ..
    يأتون سعداء لصلاتهم يلتفون حول الكعبة برضى !؟!
    مالذي يجعلهم بهذا الرضى وهذا الخشوع !؟!
    هل هناك سِحر يقودهم !؟! ''
    لم أجبها، فقد كانت دموعها تتدفق من عينيها ؛
    قلتُ لها : ( اللهُ دعاهم.. وهم استجابوا )
    هزتْ رأسها بصمت ؛
    وتابعتْ مشاهدة التلفزيون دون أن تقول شيئا ؛
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  7. #17
    [. سَحَريات .]
    ( فيديوهات )
    بينط الفيديو ع الفيسبوك، وبيحشر حالو بين أصدقائي !
    بقوم حضرتي بقلل عقلي وبتابع أخبار النصايح الفسبوكية !
    وبتبلش خبيرة التجميل تعطي فكرة عن خلطتها الرائعة !
    وتبدأ ….
    - خمس دقائق مدح بالتركيبة العجيبة !
    - خمس دقايق حلفان أيمان معظمة إنو إلها مفعول !
    - خمس دقايق بتبوس الإيدين مشان لايك واشتراك وسبسكرايب يابعدي !
    - عشر دقايق المكونات : صحن ومعلقة بلاستيك !
    - عشر دقايق تستعرض إيديها وتلعب بأصابيعها !
    - خمس دقايق إعادة مدح المنتج الرهيب !
    - خمس دقايق إعادة حلفان اليمين بولادها وجوزها !
    - خمس دقايق مقدمة للمكونات يلي لسه مانعرفت !
    وبعد ماينشف قلب المتابع !
    ويضيق خلقه !
    وبآخر عشر ثواني بتقول : ادهنوا شعركن زيت !!
    : حطو شوية فازلين على إيديكن !!
    : لاتغسلو وشكن بالصابون !!
    : لاتمشو بالشمس !!
    : افركي كوعك بالليمون !!
    ومتل هالنصايح متايل..!!!!!!!!
    وبالأخير :
    دخلكن ادعمولنا القناة ..؟!!!!!!!؟
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  8. #18
    [ سَحَريات ]
    ( 💅🏽 )
    ياجماعة الخير .. عم لاحظ تلحوظة زغيرة !
    حدا شايف متلي هالشوفة ؟
    كأنو.. كأنو في علاقة بين تلزيق الأضافير الملونين !
    وبين الفتاوي الدينية !! إاااي نعم !!!
    مبارح طلعت وحدة من الوحدات بفيديو :
    لايحق للزوج أن يسأل زوجته وين نامت مبارح !
    ولايحق له أن يطلب منها أن تحضر له طعاما !
    ولا تحفيض ابنو البيبي.. ولا البيبية .. !
    ولا إرضاعهم ! .. ولا حتى بيبرونة حليب 🥛 !
    ولا غسيل ثيابه ولا تنظيف بيتها !
    والسبب شو ياحزركن !؟
    لأنها مركبة أظافير على أظافيرها !
    يعني كيف بدها تجلي وتمسح وتفض الخسيلات !
    فأحسن شي مشان تخوف جوزها بتلاقيلها فتوى !!!
    جيب خدامة.. طباخ.. شفير.. ناطور.. جنيناتي !!!
    وبروحو يفتشو بشي كتاب عن تعليق هامشي واحد كاتبو كسؤال للفزلكة الفاضية ..
    ليصبح الجواب على كل لسان 😛
    النتيجة يلي وصلتلها أنا :
    استيراد المناكير والباديكير والتلزيق والأضافير العيرة.؛
    تعتبر تجارة مربحة ويعمل بها من لاعمل له ؛
    تُفرض موضة .. وتفرد لها دعاية ..
    ثم فتوى بعدم إلزام الزوجة بالطبخ والنفخ ..
    زبطت معكن متل مازبطت معي..؟؟!!
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  9. #19
    سؤال سَحْرَوَرْدِي !
    - في دعاء الفجْر هذا اليوم سمعتُ المذيع في قناة فضائية تلفزيونية يقول :
    اللَّهُم .. ياخيرَ معبودٍ !
    أفكرُ .. !!
    وهل مِن معبود سِواهُ لنقولَ أنه الأكثر خيرية !؟
    لوقد جاء في الذكر أن الله :
    خير الغافرين.. خير الناصرين.. خير الفاصلين
    خير الماكرين.. خير الحاكمين.. خير الرازقين
    خير الفاتحين.. خير الراحمين.. خير المنزلين
    خير الوارثين.. !!!
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

  10. #20
    [ سَحَريّات]
    ( 👛. )
    والله وبمناسبة التخفيضات بالسوق ؛
    قلت لحالي يابنت شوفيلك شي هدية تهديها لحالك ؛
    إي نعم.. ؛ عم اتفتل بين اللحشات والكفوف ؛
    والشناتي والطواقي، وبكلات وشكلات ومكياجات ؛
    وإذ.. هذه حبكة الإذ .. بيقرب مني رجل نحيل طويل ؛
    يمكن ب 75 من عمره عيونو زرق زغار ؛
    قالي بلكنة إنكليزية راقية : - حلو هالجزدان !!
    جزدان نسواني جلد مشمشي اللون وقفل أنيق !!
    أول ردة فعل لي : يوه شو هالحكي هاد .. شو حلو ماحلو !؟!
    بحياتو ماحدا جبلي هيك هدية !!!
    كمل بسرعة لما شافني جفصة وغليظة وأفكاري راحت لبعيد :
    - اليوم بدها تزورني صديقتي القديمة وعم فكر جبلها جزدان هدية …
    ياترى حلو هاد اللون !! ياترى بيعجبها !!
    قلت بقلبي : نيالها !!
    طبعا طمنتو إنو كتير حلو.. وأنيق وأورجنال !!
    راح دفع حقو ولفو هدية 🎁 وحطو تحت باطو ومشي وأنا عم راقب لمعة عينو..!!!
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •