[ شاميّات ]
( نصيحة شّامية )
ياستي..
ياستي ديري بالك على جوزك.. للجوز عُوز
ماحدا بيدخل عليكي حامل ومتحمل, ناتعلك جوز ولوز
يلي عندها رجال تعّيب وكسيب, بالحياة فازت فوز
الكلمة طيبة هنهنيلو فيها واضحكيلو, ولاتضربيها بوز
جوزك مراية قلبك خليكي معه, مو عليه تكوني روز
معبيلك جيبتك ومليلك خزانتك, وطافف عندك الكوز
حبيه واحترميه وافرحي بقربو, وكوني فيه تلوذي لوذ
لاتلاحقيه وتضيقي عليه وتحطي نقرك, على دق وعلى دوز
ولاترفعي صوتك وتضوجي متل, رياح شمشير وهوا الطوز
الرجال يابنتي بيتحمل وبيصبر, بس بعدين بتقولي نؤوز
أوعك تقللي من قيمتو قدام الناس, ولو كان عاجز أو كان عجوز
كني على عشِك وارضي بقسمة ربك متل حمَام الزووز ؛
ياستي.. ديري بالك على جوزك.. للجوز عُوز
سحر