منتديات فرسان الثقافة - Powered by vBulletin

banner
النتائج 1 إلى 2 من 2
  1. #1

    مريض قلب أصم وأبكم وأعمي

    مريضي عامل جراحة قلب، رجل أصم وأبكم وأعمى، وماعم أعرف كيف بدي أتعامل معه، لأن ما رح يسمعني إذا حكيت ولا رح يشوفني إذا أشّرت، وضايج ومعصّب وعم يحاول يتحسّس الأشياء الغريبة الموجودة ع جسمه (تيوب التنبيب، مفجّر الصدر، cvp)، وطبعاً بسبب أنه ضايج منخاف يسحبهن ويأذي حاله ..

    ونحنا ك كادر طبّي، أطباء وتمريض، طالعين فايتين وحايصين كيف بدنا نتعامل معه ونوصلّه التعليمات وأنه وضعه منيح وعمليته منيحة، بس بدنا نقيّم مدى وعيه لنقدر نشيل المنفسة ..
    اتصلنا بأهله ما حدا موجود بالمشفى، فاضطرينا ننيّم المريض بين ما نلاقي طريقة نتواصل معه، أو يجي حدا من أهله يتواصل معه ويفهّمه ويفهّمنا ..

    بعد كم ساعة أجت زوجته .. واضح عليها التعب، حاطّة نظارات طبيّة وعم تشوف بصعوبة ..
    ما ممكن تتخيّل أنو هي المرا (المبينة ضعيفة ومتعبة) يكون عندها كل هالقوة ..

    قلتلا خالة تفضلي شوفي زوجك .. وضعه منيح بس بدنا نفهم كيف بتتواصلوا سوا، بدنا نعرف هو واعي أو لأ، فينا نسحب التنبيب أو لأ!! ..
    قالتلي فيني أمسك إيده؟؟ قلتلا طبعاً ..
    مسكت إيده وحطتها على وجهها .. تلمّس نظاراتها وخدها وجبينها .. عرف إنها زوجته ..
    تغيّرت ملامحه كلها من شخص ضايج وعابس ومعصّب وعم يحاول يقوم من سريره لشخص هادي .. فرد عقدة حواجبه واتطمن بوجودها حده ..
    ماسكة إيده وبلمسات وضغطات وحركات معيّنة سألته أنت منيح؟ قلا اي ..
    أنت عملت العمليّة وأمورك منيحة، وما عاد تمد إيدك عالأجهزة الموجودة عليك .. قلا أي ..
    فينا نشيل التنبيب من تمّك وتكون هادي؟ قلا اي ..
    ونحنا واقفين مذهولين أنه كيف قدرت تعمل هيك؟؟..
    وطبعاً قلا بقصد فيها أنه أشّرلها أو تفاهموا بالإيدين ..
    وفعلاً شلنا التنبيب بكل هدوء والمريض أموره كتير منيحة ومستقرة الحمدلله ..

    الخالة أُميّة .. ما بتقدر تفك الحرف، ولا درست بالجامعة، ولا تعلّمت لغة الإشارة، ولا هي دكتورة، بس قدرت تعمل اللي نحنا وعلمنا ودراستنا ما قدرنا نعمله! ..

    بالحب اللي عندها صارت عيون وأذن ولسان زوجها ..
    بالحب اخترعوا لغة يقدروا يتواصلوا فيها سوا، بالحب ما خلوا المرض أو الإعاقة تبعدهن عن بعض، و بالحب وحده هنن قدرانين يحسّوا هالإحساس العالي ويفهموا بعض ..

    تذكّرت مقولة: لا تخف من الارتباط بامرأة قويّة، فقد تكون هي جيشك الوحيد👌..
    ورح ضيف عليها، إنها ممكن تكون عيونك وأذنك ونطقك وحواسك كلها إذا احتاج الأمر ..

    أحدهم
    منقول
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    للرفع والفائدة والمتابعة
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •