واحد عنده مزرعة عنب، و اثنين حراميه كل يوم ييجوا بالليل ومعاهم قفصين كبار ويملوها عنب و ييمشوا، وكل يوم الحراميه بييجوا يسرقوا عنب من نفس المزرعه بتاعة نفس الراجل.

صاحب المزرعة كان عارف كده بس بيكبر دماغه وفيوم قرر إنه مش هيفضل يتسرق العمر كله
" لازم آخد موقف "
نزل بالليل لما الحراميه وصلوا ومعاه عصايا و لكنه سمع واحد بيقول للتاني

" يا أخي إحنا بقالنا سنين طويله بنيجي كل يوم نسرق نفس العنب من نفس الراجل ..
لا إحنا إتغنينا .. ولا الراجل إفتقر !!!!!! "🤔

ساعتها صاحب المزرعة خد بعضه ورجع عالبيت تاني وهو ناوي يسيبهم يسرقوا واعتبر إن العنب ده لوجه الله وعرف إن ربنا معوضه ومباركله في حاجات كتير بسبب الناس الطمعانه ويكفي إن هو أحسن منهم وهما محتاجين له.

اللي جرب يعطي و بس عمره ما هيفتقر✋

واللي جرب ياخد و بس عمره ماهيغتني☝️

معادلة سهلة بس مين يفهمها أعطى
دائماً وانتظر العوض من الله ❣️