بقلم طالبة الدراسات العليا المميزة
ريم حريري
يوميّات كورونا مصدومة ..

المشهد الأول ..
👿 ياترى نحنا وين هلأ ..؟
😈 بعتقد نحنا بجسم مواطن سوري🤔
👿 لاتقوليها ..😫
😈 والله قلتها ..😂
👿 شو بدنا نعمل فيه .. ليش هاد ناقصه .. الي فيه مكفيه !!
😈 امشي شو ما عملنا .. منيح ..🤪

المشهد الثاني ..
👿 لك شو هالعتمة بالبلعوم .. شو هاد الي واقف ببلعومه؟
😈 كمشة حكي ما بينحكى على شوية آهات وحسرات
مخباية ..😢
👿 لك شوفي الرئة شو هالدخان الأسود ؟!
😈 طبيعي أختي .. طبيعي
مواطن سوري بعد حرب ٨ سنين .. على الأغلب مافي
نوع سلاح ما شم ريحته وعشعش بصدره ..😤
👿 دخيل الله .. شو هالعلقة .. 😰
😈 حاج نق .. وخلينا نكمل مشوارنا😒

المشهد الثالث ..
👿 بظن وصلنا القلب .. بس كأنه قلبه تعبان .. شو هالجرح
الكبير الي عم ينزف؟!
😈 طبيعي.. ليش في سوري قلبه مو مجروح وعم ينزف 💔
👿 لك شو كان وصلنا لهووون .. بطلت .. رح انجلط 🤯
😈 شوي ومنخلص .. روقي اختي ..🤗

المشهد الرابع ..
👿 بظن وصلنا المعدة .. ولي .. شو هاد😫
لك شو بياكل وشو بيشرب .. عم شوف شي بعمري ما
شفته😯
😈 طبيعي .. ٨ سنين عم يشرب مي شربها قبله شي ١٠٠
شخص، وأكل لحم ما بيعرف شو هو الا ربك، وكل شي
بياكله مغشوش وهرمون وأصلاً هلأ بطل ياكل من الغلاا
ما تخافي .. نحنا الكورونا ما بيأثر فينا ..💪

المشهد الخامس ..
😈 منمشي شوي بالدم .. خلينا نشوف الوضع
👿 شووو كأنه مقطوع الدم عنده .. ليش ايمتا دوره بتوزيع
الدم .. هههههههههههه 💦💦
👿 عم تخففي دم .. غليظة .. يبدو السوري نشفان دمه من
الرعبات والقهر والحزن والوجع 😭
😈 لك وشو هدول الطابات الحمر .. ؟!
👿هدول جلطاااات ياحراااام، لك كيف عايش هالمسكين😩
👿 قلتلك من الأول ما بدنا هالدخلة .. مابقى غير السوري
نعمله كورونا ..😱

المشهد السادس ..
😈 وهلأ وصلنا الدماااغ ..
👿 شو هالزحمة والفوضى والصرعةةةةة انطوش راسي🤯
😈 طبيعي .. أحلام مؤجلة .. وأمنيات مستحيلة .. وأحباب
رحلوا .. وماضي ما بقا يرجع .. وحاضر بوجع ..
ومستقبل مجهول .. و ...
👿 ولك حاااااج .. يقرف عمرك على هالورطة ..🤬
👿 بطل بدي .. امشي نطلع من هون .. والله شي بخوف
اديش شفت بشر متل السوري ما شفت .. هم وحزن
وجوع وعطش ومرض وبلاوي ولسا بدنا نعمله كورونا ..
خافي الله ..🙏
😈 هيك رأيك .. نطلع ونتركه بحاله .. والله زعلتيني عليه
الله يكون بعونه ويحمل معه ..
👿 قال لسا بدنا نعمله كورونا !!
والله من بعد الي شفته .. انا الي صار معي كورونا ..