[ سَحَريات ]
( مربايات )
والله ياجماعة الخير هلأ فهمت ليش إسم المَربى.. مربَّى التغيير !!
مو تاريلكن الترباية على أصولها.. بدها حكمة وتدبير ..!
ليش قشر البرتقال من شو بيشكي إذا صار مرملاد أو جامب أو سويتي ..!
من غير تعب تحضير ولاتعتير ..!
افرمي القشرة ناعم على كيفك.. ومعلش قشر الكرمنتينا كمان ..!
واخلطيهن بالترتيب ..!
وابرشي كم تفاحة دبلانة أو كم نجاصة مهرية ولو تكسير ..!
لاتقولولي تكلفة.. الحكاية حكاية كيلو سكر لاغير للتعطير.. والله !
اغليهن نص ساعة واتركيهن يبردو من غير تقطير ..!
وعبيهن قطرميز أو علبة بللور ودوقي مرباياتي وادعيلي بالرزق الوفير ..!