منتديات فرسان الثقافة - Powered by vBulletin

banner
صفحة 1 من 10 123 ... الأخيرةالأخيرة
النتائج 1 إلى 10 من 94

الموضوع: سحريات

  1. #1

    سحريات

    [ سَحَريات ]
    قال .. إذا بدِّك يرِّق الحبيب..
    قومي أوام واطبخيلو رز بالحليب..
    بترجَعْ له الضحكة وبروُق وبيصير يغني وبطيب..
    لاتنسي تزيني الزبدية برشة جوز هند وكمشة زبيب..
    وصفة سهلة وأهون من راشيتت الطبيب..
    زغري السكْبة وضبضبي اللقمة هيك قالت ماري منيب..!!

  2. #2
    هل عندك بيضتين مسلوقتين بس..وما حدا أكلهن ؛
    وكم سندويشة صمون بايتة ومايونيز تبع بروستد مبارح ؛
    اخلطي هالمقادير وادهني فيهن الخبزات طبقات ؛
    وزينيهم بما تشائين.. خرطتين مرتديلا.. زيتونتين شوية مخلل ؛
    وأبدعي بالديزايين كيف مابدك.. شرحة خيارة.. فرمة فجلة ؛
    واعملي منهن قالب كاتو للضيافة بالحفلات..؛
    وادعيلي..

  3. #3
    [ سَحَريات ]
    زديقتي من أهل شقف الزريعة وحواض الورد..
    ومن صحاب الياسمين البلدي والعراتلي أبو خَد..
    وكل يوم بتقلي ناقصين ورداتي وتحلف.. والله كلامي جَد..
    لازم اعرف الحرامي لابدن ومن كل بّد..
    اليوم الصبح وعلى آدان الفجر اجتمعت بأبو اليّد..
    هاد يلي كسر الصفرة وتحلى وتسلى وملا الخواصر ولسانو مَد..
    لازمنو نرفع دعوى والمسؤولين يتابعو القضية ويلاحقو هالنّد..
    كمشتْ الحرامي وبعتتلي شوف مسرح الجريمة وتسمع مني الرّد..

  4. #4
    بعتتلي صورة ابنها وبنتها ع الواتس أب..
    من على بعد آلاف الكيلومترات..
    قالت دخيلك ارسميهم مشان حفلة المدرسة..
    لا أنا عرفت وصِل لها الصورة !
    ولاهي اتصلت مرة تانية..

  5. #5
    [ سَحَريات ]
    كنت قاعدة عم اكتب شوية أشعار..
    ومن بعد فضلكن عم ارسم ذكريات وأخبار..
    قام اندق بلطف وذوق باب الدار..
    طلعت جارتي حاملة زبدية فيها طبخة من زنجبار..
    ملوخية مقلاية بالبصل والتوم بدون لحمة ولا مرت على قدوم..
    فيها حمص وعدس وفاصولية عيشة خانم وشعيرية أم كلتوم..
    مزينة بلبن بالطحينة وعليها رشة زنجبيل سميكة وفلفل شطة..
    قالتلي نحنا منحب الأكل سخن وعم يشلفط شلفطة وشيلة حطة..
    برأيي لابأس فيها ومقبولة بس بدها عصرة ليمونة..
    ورغيفين خبز مقمرين وجمعة حناين ومحبين..
    جربوها والله مو غلط..
    حينن أكل الزيت يصير إدام الأوادم وأهل البلد..

  6. #6
    [ لنْ تحب للآخرين ما تحبه لنفسك, إلا أنْ تعترف أنك مثلهم ولست خيرا منهم ]

  7. #7
    Senior Member
    تاريخ التسجيل
    Jan 2011
    الدولة
    البصرة-العراق
    المشاركات
    1,840
    انا صدفة مريت على سحريات
    قلت اشوف الجديد و الخبريات
    لقيت الخواطر اامثال و حكايات
    كتب سطر فيها بصمة لي في سحريات
    .... تقديري لك و لجمال روحك

  8. #8
    مرورك أيها المؤيد بالمحبة وسام. شكرا جدا

  9. #9
    [ سَحَريات ]
    براس الحارة في شارع زغير بين الغابات ..؛
    بيتمشو فيه العجايز والمتقاعدين ..؛
    جارتنا كل مابتطلع من البيت بتنسى كيف ترجع ع البناية ..؛
    عمرها حوالي 95 سنة.. سبحان الذي خلقها شو كربوجة ..؛
    لقيتلها حل منطقي.. رسمتلها سهم بطريق الروحة ..؛
    وسهم لطريق الرجعة ع الزفت تبع الرصيف ..؛
    صارت تروح وتجي باليوم مرتين تعمل برومنيرا ..؛؛

  10. #10
    [ سَحَريات ]
    - قال قالولو للورد ليش متخبي..!!
    قالهن : خليها لله قلبي مليان ومتعبي..؛
    - خير يابيك شو صاير معك ياحلو ويامتربي..!!
    قالهن : قطفوني زغير وبعتوني للأمير..؛
    - طيب وين الوجع يا دلع ..؛
    قال وهو عم يتنهد.. ومن البعد عم يتوجع ..:
    صروني وصرصروني .. وبالمزهرية حطوني..
    وسقوني وسقسقوني وبالمازهر رشرشوني..
    وعيون الأمير ما لمحوني..��
    لاتكن كابني آدم لاقاتلا ولامقتولا
    الكتاب الفائز بجائزة دار الفكر

صفحة 1 من 10 123 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •