منتديات فرسان الثقافة - Powered by vBulletin

banner
صفحة 9 من 9 الأولىالأولى ... 789
النتائج 81 إلى 90 من 90

الموضوع: شاميات

  1. #81
    في تعبير ببلاد الشام أسمه أكابر ...
    الأكابر صفة تطلق على الطبقة الراقية في المجتمع ...
    لكن من هي هذه الفئة
    هل هي تلك التي تربت وفق مستوى معيشي عالٍ ، واعتادت على أغلى الثياب والأطعمة

    أم هي تلك التي تربت على الإحترام، والأخلاق الرفيعة، وحب الخير، والطيبة ، والاهتمام

    هل هي التي إن شبعت شكرت ، وإن جاعت سترت ، وإن مُنِحت عفَّتْ

    أم هي تلك التي تحمل من القيم ما يجعلها تقيّم الناس بأخلاقهم، لا بانتماءاتهم الطبقي أو المكاني أو مستواهم المادي ، أو ملبسهم، ومأكلهم ومشربهم
    الأكابر ...
    هو كل من يعامل الناس كل الناس على أنهم أكابر ...
    منقول

  2. #82
    استعمال كلمة ' اليد ' في الحكي السوري 😂 :
    - إيدو خضرا : أي ، يزرع وتُثمِر زريعته .
    - إيدو ماسكة : أي ، بخيل .
    - إيدو طايلة : أي بيقدر يعمل أشياء كبيرة .بالحكومة .
    - إيدو واصلة : أي واسطة قوية .
    - إيدو طويلة : أي يؤذي من حوله .
    - إيدو خفيفة . حرامي أو شاطر .
    - إيدو فاروطية : أي مبذر . مسرف .
    - إيدو ع قلبو : بيخاف كتير .
    - إيدو والكف : عصبي ، مافي معه تفاهم .
    - إيدي بزنارك : أي ، أطلب مساعدتك ، نجدتك السريعة .
    - إيد من ورا وايد من أدام : مفلّس.. مامعو شي
    - جاية عّم يلولح ( أو عم يخفق )بإيديه: راجع ما جايب اَي غرض
    - إيدك وماتعطي: يللي بيطلع بايدك ابقى ساويه: أظن هي مابدها شرح كتير بتعرفوها
    😂😂
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  3. #83
    حدا سمعان ب "حمام الراس" يلي كان بدمشق قريب من الزرابلية والسروجية ؟..
    هذا الحمام راح بالهدم وقت قرروا ينظموا شوارع الشام ويلي بوقتها شركوها تشريك !! وصاروا يهدموا الجمال يلي بتتميز فيه الشام أيامها .. هدموا الحمام، وراحت بيوت حلوة كتير وراح نصف سوق العتيق ..
    المهم أن هذا الحمام موضوع الحديث ويلي راح بالتنظيم كان يتميز عن غيره من الحمامات بأنه يحوي على مبخرة خاصة لمكافحة القمل والمقملين !..
    وكان الدرك أيامها وبأمر من القائمقام يلقون القبض على الناس المقملين
    يلي جايين من البادية والقرى النائية
    ويلي كانوا يتجمعوا غالباً بأسواق الشام متل سوق الخيل وسوق العتيق وسوق الهال وباب الجابية منشان يدوروا على شغل، أو لقضاء مصالح لهم .. وكانوا غالباً ينامون بالخانات أو على الأرصفة، وكان الدرك يراقبوهم ويصادروهم وعلى حمام الراس يسوقوهم ولصاحب الحمام يسلموهم بالعدد، منشان يحاسب آخر الأسبوع الحكمدارية ..
    وكان عند مدخل الحمام ووراء الباب توجد مقصورة وبها توجد المبخرة، وبعد نزع ملابسهم كاملة تبخر ليتم ازالة القمل عنها .. ويدخل أصحابها الحمام فرحين خاصة أنهم عرفوا أن فوتتة الحمام ببلاش .. هون بيجي البلان وبيوزع عليهم الصابون .. لم يكن هذا الصابون إلا عبارة عن صابونة زرنيخ مزيل للشعر .. وهالشباب شي منهم بضفائر .. وشي بلا ضفائر وبيبلشوا بسكب الماء ورغي الصابون على رؤسهم .. أول تم والتاني ما بيلائوا غير هالشعر صار يمشي على بلاط الحمام، وتالت تم بيصير واحدهم اظلط املط ما في الوتكه .. لا شعر لا حواجب لا رموش وهون يبدأ الصراخ والخناق .. طبعاً الدرك عم ينتظروهم وواقفين لهم بالمرصاد، بيعطوهم ملابسهم التي ازيل عنها القمل بواسطة التبخير وبيطلقوهم لكي يختلطو بالناس بدون قمل ..

    الله يرحم الشوام يلي سبقونا شو كان بيحبوا النظافة والأطافة ولهم نهفات.
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  4. #84
    دعوة أم شامية لبنتها : 😊

    روحي الله يبيض بختك
    ويآآآآآتيك بالحظ من فوقك وتحتك ...
    ويبعتلك عريس يسرّ قلبك وخاطرك ...
    كندرتو تزقزق ...
    وطنجرتو تبقبق ..
    يقول للتاجر شقّ .. وللصايغ دقّ ..
    ويشوفك بوشو شمس وقمر ..
    يقول قولك ..
    ويفتل حولك ..
    ويقلك احكي لاسمعك ....
    وامشي لاتبعك ...
    ويكون متل الخاتم بأصبعك ...
    يخلي رايتك مرفوعة .... وكلمتك مسموعة...
    ويقلك ميللللللي ..
    وأنااااا مسندك ...

  5. #85
    .

    مصطلحات شامية..

    نبيرة، دنغورة : وهي دعبولة بتطلع براس الواحد بعد ما ياكلو شي طرءة على راسو
    أرصة مفلفلة : يعني هي الأرصة يلي بتجي ماكنة وبكون تدرج ألوانا عالجلد حمرا بعدين زرقا بعدين خضرا وبتضل شاهدة على العصر
    شويط : هي الريحة يلي غالبا منشما لما تكون الام عم تطبخ وعم تحكي بالتلفون مع بنتا او اختا
    سكبة : يعني شوية اكل من عند الجيران
    بونات : مخصصات من الدولة للسكر والشاي والرز للمواطنين الآكلين هوا
    فاينة : يعني الزاحلة او الشغلة المو تمام
    سرنوة : وحدة وشا ململم وسلالة من تحت لتحت .
    باب لخم : يعني ما فهمو شي سطلو سطل
    بالمشرمحي، بالألم نشرح : يعني بالعربي الفصيح
    أشكرة، أشكر خبر : يعني واضحة
    خسيل: غسيل
    خطرة : يعني مرة او بزماناتو .. هي لما الواحد يكون بدو يحكي سيرة
    حندء بندء : يعني عازك وعوازك
    لئلوء : يعني تبع - مأرّح : يعني مو قليل - مفدوغ : مشقوق

    آكل كم : يعني آكل بحالو مقلب
    آلب عطّابة : يعني متوسخ آلب شحارة
    عم يحفر كوسا : يعني عم ينكش مناخيرو .
    رايح بالعرض : يعني سمين ورايح بدنو كلو بئفاه
    رايح نيفا : يعني خالص سلامتك
    لابس وشو عالمألوب : يعني مو رايئ وما عم يتحاكا .
    بحيس رئّة : يعني شوي شوي سلحبة
    فش نيعك : يعني حط ايدي جوات تمك لحتا ينملخ نيعك
    لئوي تشد إيدك : يعني لا تعتمد عليه كتير
    خطوف رجلك : يعني روح عالسريع ورجاع
    تنح عبدك يا ربي : هي لما يسكر مخو للواحد وغير ربك ما عاد يفهمو
    عاطس القرد بوشو : يعني مو رايء وعم يخانء دبان وشو
    عاطسو من مناخيرو : يعني بيشبهو كتييييير
    شمع الخيط ، فركا : يعني هرب
    طلع بالعالي : يعني عيط بصوت اعلا من صوت يلي عم يحكي معو
    اصحك تنبرء، حاج تطول وتقصر، اصحا يطئلك شي عرء : يعني لأوي

    أنبز ، نبّأ : يعني تناوء يعني تطلع بس مد راسو
    التدع : يعني احترء من طرفو وهي للأكل والواعات .
    تدندل : يعني طخى راسو من قرنة عالية
    اتكل، زمر عالكوع، عطي ضو، هوينا : يعني حل عنا وفرقنا، تركنا يعني
    زرنئ : شرب المي من تم الواعة سواء كانت قنينة او غيرا بشرط ما يدق تمو فيا
    سلحب : يعني زمط انسحب بهدوء
    نتع : حمل .
    ندف، لطش: يعني اخد سلبطة
    يرغي : يحكي حكي بلا طعمة .
    يكش، يبيض، يسحب، يقشط : يعني يكزب ويحكي قصص ومفكر العالم مسدءة
    ملطـــــــــوش بتصرف عن السيدة فاتن حبال صفحة سوريا كما اعتدنا ان نراها
    تعددت يابني قومي مصائبنا فأقفلت بالنبا المفتوح إقفالا
    كنا نعالج جرحا واحد فغدت جراحنا اليوم ألوانا وأشكالا

  6. #86
    م.ف-٢١-٩-٢٠٢٢-م
    ٢٤-صفر-١٤٤٤-هجري
    #كان_ياماكان..💖

    كان اسمه ( صدر) كنافة وكان يحمله شخصين ليدخلوه من باب الزقاق..

    وكان اسمه طنبر بطيخ..

    وكان اسمها سحارة بندورة وسحارة كوسا وسحارة خيار..

    وكان اسمه شليف خس..

    وكان اسمه معجن خبز..

    وكان اسمها تنكة سمنة عربي وعلى كتفها أزيرة زيت بلدي..

    كان اسمها نعارة لبن..

    كان اسمه كيس رز قلم أحمر..

    وكان السكر بكيس الخام الكبير..

    وكانت اللحمة شقة..

    وكانت قطط البيت وقطط الأسطيح شبعانة..

    وكانت الجمال تحمل الحطب ويتكسر بجانب

    البيت ويملى ( المربع للسقف بالحطب)..

    وكان في أززير كاز ومازوت..

    وكانت الزريعة لحالها حكاية..

    وكانت العروس يخيطوا لها بدلة بيضاء ..

    وتغيّر بالسودا والحمرا والصفرة والزهر ..

    وكان يلبسها ميّة ألماس ..

    وكانت أمها تلبسها مبرومة ذهب عيار /٢٤ /

    ويرجعوا من العرس ويحكوا لبعض شو صار

    والضحك والبسط يملى الديار..

    كان اسمه رمضان من السكب لبعضنا البعض نشبع..

    وكانت البركة والبحبوحة..

    وكان مشمع السفرة مبطن وسميك

    ونلتم حوليه وقت الفطور والغدا والعشا..

    وكان بركه وخيرات الله يديم نعمه وترجع لكل امة محمد الخيرات والبركه والمال الواسع الهي يارب
    وصباحكم بركه وتفاؤل
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  7. #87
    مصطلحات شامية

    لو الشوام ما اخترعوا كلمة (تصطفل) كنا قلنا :
    "لقد نصحتك مراراً وتكراراً لكنك مُصرّ على ارتكاب القرار السيء،
    لذا سوف أتركك على راحتك لتقع بالخطأ لعلك تتعلم من النتيجة السيئة المتوقعة، وسوف أراقبك من مسافة قريبة لأذكرك بنصيحتي التي تجاهلتها، وتشعر بعندك يا صاحب الرأس العنيد .."🙂
    صباح الخير
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  8. #88
    بماذا يتميز البيت السوري ؟؟

    - يوجد كيس بالمطبخ اسمه كيس الاكياس !!! 😳😳

    - صينية الحديد ورا حنفية المجلى 😂

    - تحت الفرش في الكياس المرتبة😂😂

    - عندهم ولد شاطر " بس لو يشد حيله "

    - بس يطلعوا مشوار . لازم ينكدوا ع بعض و يعملوا مشكلة قبل ما يطلعوا 👿

    - دايماً في فنجان قهوة مشلوف بعلبة السكر

    - يخلوا ضو البلكون شغال مشان "يخدعوا الحرامي"

    - دايماً غطا الريموت ضايع

    - كنزات و قمصان الولاد 👕👕 بس تخلص صلاحيتها بتصير ممسحة غبرة 😨ع

    - بس يطلعوا بحطوا مفتاح البيت جوا كندرة الأب جنب الباب👞 ، او تحت ممسحة الباب ، أو جوا علبة النيدو اللي فيها وردة مزروعة

    - علبة الضيافة بتفكر فيها شوكلاتة 🍫🍭🍬.. بيطلع فيها خيطان و إبر ، و زرارات و مطاط 😥

    - المزهرية بغرفة الضيوف بيكون فيها مفاتيح 🔧و فراطة قديمة ، وفاتورة ، وابرة وخيط .. وبطاريات معضعضة .. .. وشريط بانادول فاضي ، و اوراق عليها ارقام تلفونات ، بالاضافة ل مسامير صغيرة 📌📍 مصدية ومفك

    - الشاي بالمطبخ بالعلبة المكتوب عليها "ملح"

    - نص ليمونة بالبراد

    - اذا طلعوا على عرس بصيروا يأشروا لبعض من الشبابيك .. ع أساس أول مرة بتعرفوا ع بعض

    - مقص الأظافر دايماً ضايع😓

    - شحاطة الحمام مليانة مي ...

    - بس يخلص الشامبو .. بيضيفوا عليه مي 💧💧

    - الأب بيعرف يصلح كل أدوات الكهربا... وبعد التصليح قصدي التخريب 😁 يقول مقولته الشهيرة " زتها في الزبالة هي ما بتتصلح ولا كان صلحتها 🐸💔

    - دايماً ضو المطبخ شغال .. وبس يطفي الضو .. اعرف انه اليوم خلص
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  9. #89
    #قالت_ستي
    😉لو بدي اصرف من كيسي ما بسميك عريسي

    😃كل ما فتح جزدانو بترجف سيقانو

    😃وقت الشغل بتقول مريضة ووقت الاكل بتقول وين ملعقتي العريضة

    😬خبزة وجبنة بهدوء ولا عزيمة مطنطنة وشم ولا تدوء

    😉قال الجمل لو شاف حردبتو لوقع وانكسرت رقبتو

    😔لولا الحسد والظنة كانو كل الناس دخلو الجنة

    😊قلل ناسك بيرتاح رأسك

    😀لولا النسيان ما ضحك إنسان

    😍كل شي بالسيف الا المحبة بالكيف

    😢اذا غلي عليك الضاني مَيِّل على الحمصاني

    😜لاتستعيري من الجارة والخضرجي براس الحارة

    🤔 وقت بتنتهي المصالح، بيصير الحلو مالح

    😏 ياحماتي لا تقولي عني شرنة ما انتِ كنتِ قبلي كنة

    يلي مالو بنات ... ماحدا بيعرف إيمتى مات🥀

    يلي حظها قوي بتجيب البنت قبل الصبي 🥀

    البنت هدية ... والصبي بلية🥀

    الحياة بدون أخت متل الطريق بلا زفت 🥀

    عشر أصهرة ع باب داري ولا كنة تكشف أسراري 🥀

    خود المعجعجة وضمها وخلي السنكوحة لأمها🥀

    يلي بدها يسعدها زمانها ... تجيب بناتها قبل صبيانها🥀

    دللي كنتك واكسبي ودها لانو إذا نوت عالشر ما حدا بردها🥀

    سمرا والخدم حواليها وبيضا وكل الشغل عليها 🥀

    قصي من لسانك وزيدي ع التنورة ... منو بتدفي سيقانك ومنو بتضلي مستورة🥀

    سمرا زرقا وقاعدة عالتخت ... وبيضا شقرا مالها بخت 🥀

    فكرناهن رخصوا ... طلعو ببلاش🥀

    بنت الأصل بتخلي كوخها قصر 🥀

    دنيا ما عليها عتب ... فيها المصدي وفيها الذهب🥀

    ابن الأصل لو طعميتوا خبز حاف بيصون وقليل الأصل لو طعميتوا لحم الكتاف بيخون🥀

  10. #90
    ميساء حلواني
    Guest
    كيف يصنع اهل الشام الطعام 😁
    البازيلا فصفصة .
    .اليبرق لف ..
    .الملوخيه نتف ...
    .الجزر بشر ..
    .الكمايه حك ..
    .السلطة فرم ..
    .الفليفله تعريق ...
    الحصرم فرط..
    .الكرابيج والمعمول دعك...
    .الراس والمآدم والقشه شلوطه...
    .الباميه تقميع..
    .الفاصوليا تمشيط
    .والمحشي حفر .....
    .الكبة ديران
    .والكبة القراص سد وطبش
    .والكبة بصينية كبس
    .والتسئية سقسقة...
    -القلوبات تحميص.
    . الدهنه سلي ...
    . السمنة كوي.
    .الكباب دعك.
    .العجين رق
    .الزيتون والكرز تفقيش.
    . المخلل والمكدوس كبس..
    .البندورة عصر
    المربى تعقيد..
    .البزر تحميص.
    . الحبوب تصويل .
    .القمر الدين تمريس.
    . كسر الجوز تطقيش...
    .البليلة أَحم ..
    . التفاحة أطم .
    .الجزر قرط
    .السكر سَف .
    .الملح لَك.
    .الخبز فت.
    . الشوربة شرق.
    .المكمور غمس.
    . المَي كرع.
    .العضام مصمصة .
    .العصير اللذيذ مزمزة.
    .دبس الفليفلة دهن .
    .وضع الشاي بالإبريق .. تلقيم .
    .والجبنه تسنير
    .الحليب تشويط
    .الخبز تقمير
    **هي الشام ماحدا غيرنا عنده هيك تسميات.. الله يحفظك يا ست الدنيا..*

صفحة 9 من 9 الأولىالأولى ... 789

المواضيع المتشابهه

  1. شاميات
    بواسطة امير الليل في المنتدى فرسان المطبخ
    مشاركات: 2
    آخر مشاركة: 12-30-2009, 01:21 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •