..........................إنتى حورية......................................
(والله انا اشارى وليه حتبيعى= قولى ياصانعة فصولى ربيعى.
داانتى الماضى وانتى الحاضر= وانتى الزمن الآتى طبيعى).
***
والله أنا فاهمك أكتر منك = بانى فى قلبى الجنة مكانك.
وحياة ربّى عايش أعبّى = قلبى بود وشوق علشانك.
زيّن خدك ورد مفتح = وانتى حورية فى كل زمانـك .
والله بحبّك ولافيش غيرك = قلبى داقاضى وصارسجّانك.
*****
(والله انا اشارى وليه حتبيعى = قولى ياصانعة فصولى ربيعى .
داانتى الماضى وانتى الحاضر= وانتى الزمن الآتى طبيعى.)
*****
كيف و صار الهوى جوّايا= يلا يا حلوة قوام كيفينى
حـّر الصيف قربك يمحيه =وجوّه فى عز شتاى دفيّنى
ينعــل أبـو شياطينك دايما= مدمــن عشقـك دوقتينى
آجى يمين و تيجيلى شمال= والله حرام ليه دوّختينى
*****
(والله انا اشارى وليه حتبيعى قولى ياصانعة فصولى ربيعى .
داانتى الماضى وانتى الحاضر= وانتى الزمن الآتى طبيعى.)
*****
يمكن خدنى غرورى لفوق = راكب والله سحايب شـوق .
لمّا تحنى فى مرّة عليّه = قلبى آلاقيه على طول مسروق.
وأتقل لمّا يطيربى هواكى= وقلبى بنار الشوق محروق.
دا انتى حياتى وانتى مماتى = ودمى السارى جوّه عروق.
*****
(والله انا اشارى وليه حتبيعى = قولى ياصانعة فصولى ربيعى .
داانتى الماضى وانتى الحاضر= وانتى الزمن الآتى طبيعى.)