اميرة الطرب العربي / فيروز

[يسري راغب شراب]

غالي الدهب
-----------
غالي الدهب غالي
و ضحكت عناقيدو
عالي الورد عالي
و شو طالع بإيدو
غالي الدهب غالي
و عالي الورد عالي
و يا حبيبي يا حبيبي
يا دهب الغالي
ما سألتو علينا
عتبنا كتير
و عا قد المحبة
العتب كبير
يا أهل الدلال
يا ساكنين البال
قلبي ع بواب الحبايب
ضيع مواعيدو
فستان و إسوارة و عقد جديد
و الحلق الفضة
ليوم العيد
يرجع لي الزمان
و الهوى اللي كان
و يا حبيبي يا حبيبي
عهد اللي لنا نعيدو
--------------
الفيروزيه دائما على الاحساس تصف العالي بالغالي لا تقارب الاجساد

[يسري راغب شراب]

أنا و سهرانة
أنا و سهرانة وحدي بالبيت
على السكت و متل الضجرانة
مشية قريبة طقت عالدرب
قلت يا قلب جايي حبيبي
قمت و ضويت
زحت البرداية
تيشوفا الجايي
و شعشعت البيت
رتبت المزهرية
هيئت قلوب السكر
حطيت الشال عليي
و لبست العقد الأحمر
و نطرت الباب
تالباب يدق
و القلب يدق
و ما دق الباب
و المشية بعدت
بعدت بالليل
محاها الليل
بعدت و بعدت
أنا سهرانة
و طفيت الضو
و طلع الضو
أنا و سهرانة
------------------
يا مرسال المراسيل

يا مرسال المراسيل
عالضيعة القريبي
خدلي بدربك هالمنديل
و اعطيه لحبيبي
عالداير طرزتو شوي
إيدي و الأسوارة
حيكتلو أسمو عليه
بخيطان السنارة
بخيطان الزرق و حمر
و غناني الصبيان السمر
كتبتلو قصة عمري
بدموعي الكتيبي
خدلي بدربك هالمنديل
و اعطيه لحبيبي
بيتو باخر البيوت قدامه عليي
بتوصل عالبيت و بتفوت
و بتسلم الهديي
و لو عنا قال و كتر
قلو خليه يتذكر
ع هالمنديل الأصفر
ببعتلو مكاتيبي
خدلي بدربك هالمنديل
و اعطيه لحبيبي
و بتجيبلي منو تذكار
شي ورقة و شي صورة
عالورقة يكتب أشعار
و أسمو على الصورة
و لما بتبكي المواويل
يسأل عن أهل المنديل
يا مرسال المراسيل
و سلم عا حبيبي
خدلي بدربك هالمنديل
و اعطيه لحبيبي
-------------------------------------
لعلها هنا تحاكي كل قصص الحب الراقيه الجميله

[يسري راغب شراب]

جلنار
--------
يا صبح روج طولت ليلك
خليت قلبي نار
بلكي بتيجي أختك تغنيلك
بلكي بتيجي جلنار
صرخات عم بتموج بالوادي
معنزق عليها ضباب
لبعيد عم بتروح و تنادي
بيظهر حبيبو غاب
راعي بكي و منجيرتو متلو
بكيت تيتسلى
شو قولوكن عالسكت
قالتلو شو قولكن قلها
خليك حدي تيروق الجو
و رندح و سمعني
و لمن بيطلعلك يا راعي الضو
تبقى تودعني
وقفت قلبي عالدرب ناطور
تفاق ألف نهار
ووعيت الشمس
و زقزق العصفور
و ما إجت جلنار
----------------
يارا
يارا
يارا الجدايلها شقر
اللي فيهن بيتمرجح عمر
و كل نجمة تبوح باسراره ...
يارا
يارا ال غفى عا زندها خيها الزغير
و ضلت تغني و الدني حدا تطير
و الرياح تدوزن اوتارها...
يارا
الحلوه الحلوايه
تعبو زنودها
و نتفي اصفروا خدودها
و بإيدها نعست الأسوارة
و لمن إجت يارا
تحط خيها بالسرير
تصلي يا ربي
صيرو خيي كبير
و للسما ديها
هاك الايدين الحرير
انلمت الشمس
و عبت زوارها
--------------
مع جلنار -ومع يارا - اي حبيبه في اي زمان - مع اسم كان ولا يزال - في اي مكان
وهكذا تحكى النبضات فيروزيه

[يسري راغب شراب]

ومع غنية لحبيبه من كفر غار محددة المكان
---------------
غيبي و لا تغيبي
غيبي و لا تغيبي
يا نجمة كفرغار
يا قمر حبيبي
زهرة ع باب الدار
غيبي و لا تغيبي
يا جارتنا الغريبة
يا بعيدة يا قريبة
يا نجمة كفرغار
نامي و لا تنامي
يا زغيرة الربيع
نامي بالسلامة
قبل الدني ما تضيع
نامي و لا تنامي
عا مخدة السلامة
عجوانح الحمامة
يا زغيرة الربيع
طلي و اندهيني
بالليلة الطويلة
و تمرق عالهنا و الضنا
و الساعات الجميلة
------------------------------

[يسري راغب شراب]

بتشوف بكرا بتشوف
-----------------
بحياة عينك يا ورد نيسان
زهر على شباكن العشقان
و ان كان بدن
يسألوا عنا جيران
قلن بعدنا جيران
بتشوف بكرا
بتشوف شو دارنا حلوه
عا مطل أخضر مكشوف
و الشمس بتضوي
فراشات بتجينا رفوف
و طيور تقصدنا ضيوف
و غصون ترقص و تغني
بتشوف بكرا بتشوف
و انت تطل و انقلك أهلا
و هيك تغل نسمه على مهلا
و عيونا ترف و تحكي
و قلوبنا تبوح و تشكي
و مروج بالحب تطوف
بتشوف بكرا بتشوف
فوق شو هم منعيش بجنة
و شوق يلم نهدات و يغني
و عباب خضره محنيه
ع باب متل العلية
و بورد سطحا مسقوف
بتشوف بكرا بتشوف
و هاك الدني الغداره
بتضل حليانة
فيها الهوى
بيندار أحلام و غناني
و الحب فوق دواليها
عناقيد حليانه فيها
و مافيش واحد مقطوف
بتشوف بكرا بتشوف

[يسري راغب شراب]

ومن الشال الى المنديل
رمز الحياء الرومانسي
كم هي عذوبة الكلمه
وكم هي رقتها
----------------------------
ردي منديلك ردي
لما لمحتو طل
صرت ملبك
و عرفت قصدو
و قلت بدو يشتكي
فتشت عا كلمة
تإفتحلو حديث
وقفت و وقف
و اتنينا نسينا الحكي
و من يومها عم نلتقي
و نقعد سوا
مادري الصدف
بتسوقنا
مادري الهوى
حلو بقى يفهم
رح يهب الهوى
ضيعان ما بيخبروا انك ذكي
ردي منديلك ردي
بيضا و الشمس حدي
بكرا بيجيي محبوبك
و بيلاقيكي مسودي
ردي ردي الشمسية
خليها ترف عليي
لما عيونك بتفيي
وراق الزنبق بتندي
في لنا يا حب
خيمة عالجبل
ناطرة تانزورها بليلة غزل
راكعة الغيمات عند ابوابها
و تاركة النجمات عسطحا قبل
في لنا يا حب
خيمة في لنا
و مزهرية
و ورد أبيض عندنا
و وحدنا بهالجرد
عحدود السما
نحنا و انت
و باقة غناني هنا
يا حلوه اللي بيتك فوق
صوبك عم ياخدني الشوق
عم حاكيك بلطف و زوق
بحياتك لا تحتدي
ردي منديلك

[يسري راغب شراب]

وكيف ياتي السلام حبيبا
وكيف يصل الى المحبوبه
وكيف يكون لحنا رقيقا
انه السلام الفيروزي
وليس له شبيها او مثيلا
-----------------------
جايبلي سلام
---------------
جايبلي سلام

أوف أوف
بكير
طل الحب عا حي لنا
حامل معو عتوبي
و حكي و دمع و هنا
كنا و كانوا
هالبنات مجمعين
ياامي
و ما بعرف ليش نقاني أنا
جايبلي سلام
عصفور الجناين
جايبلي سلام
من عند الحناين
نفض جناحتو عا شباك الدار
و متل اللي بريشاتو
مخبي سرار سرار
قاللي عالرماني
غطيت و حكاني
و بعيونو الدبلاني
شفت الهوى باين
شو قلي شو قلي
عتبان المحبوب
ما بدك تطلي
ابعتيلو مكتوب
وديلو شي ورقا
عليها كتيبه زرقا
و امرقيلك مرقا
مطرح منو ساكن
كل ليلة عشيي
قنديلك ضويه
قوي الضو شويي
و ارجعي وطيه
بيعرفها علامة
و بيصلي تتنامي
و تقومي بالسلامة
و يبقى قلبك لين

[ملده شويكاني]

هي أميرة الفن الرفيع بلا منازغ
موضوع قمة حقيقة
شكرا
ملدا

[يسري راغب شراب]

الاستاذه الراقيه

الاديبه الفاضله ملدا الموقره

احترامي

وكل التقدير لمرورك الفيروزي الكريم

اعلم انني في الفرسان هنا حيث المملكة الفيروزيه ببهائها

وكنت اريد ان اضع موضوعي منذ مده وزمن واتردد

حيث كنت اتساءل دائما
هل اقول الفيروزي للفيروزيين ذاتهم

دمت سالمه منعمه وغانمه مكرمه