مامعذور ..

[كاظم الفضلي]

مامعذور ...

مامعذور .. كل دمعي البجيته اعليك
مامعذور .. لأنك زغير وعالزعل دلوك
مامعذور ..
خوفي وكل صلاتي انخاك
يااجمل حلم راودني كل وكتي
يااحله الاسماء من ارد اصيحلك
غاضوك مني ..
وغيضهم ماكدرو ايسموك
دللتك عكس ماجرحتني اهواي
حبيتك رغم كل الغرابه البيك
صورتك نهر وأنا العطش للماي
عطشت النهر لأن أنا اعله جرفك
عكس ماذبو حجر غايتهم ايسدوك
وصورتك قفل ومضيع المفتاح
مايرهم القفلك غير مفتاحي ..
عجيب اشلون فكوك !!
وكتبت اشيائي واشياءك عله الحيطان
صوت
ومأذنه
وبيبان
تغفه انت وافز أنا ورق من تاكله النيران
خيط بلون وجهك ينعقد بالطيف
وجنح
واحجايه
وإذان
وارسم على اشياءك اجمل لوحه للعشاق
تشبه اصوات العصافير الغروب
وعله اشيائي تلكَه دمعه
وتلكَه أسف ..
وتلكَه كل الناس عين
منين ماردتك خذوك
وشفت اكَدر اصيرلك ورقة الصفصاف
وأنت الطل ..
من ابرد احس بيك النده
والغيره عد الناس من طبع الفضول
وانا شدهة بال تاخذني وخذوك
وأنا كلي انشده من تلكَاني وأنه الكَاك
وماعدي صبر ..
كلي احترك
لوشفت غيري ايحاجوك
وارجوك ...
ظل أنت طل
وكل غبشه مر بيه برد اتحملك
ارجوك ..
بس مالي صبر اتحمل ايحاجوك

كاظم الفضلي

[ريمه الخاني]

جميلة واكثر وصادقة وشفافة رغم غموض بعض الالفاظ
واهلا بجديدك واتمنى عليك زيارة صفحة المباركة/في الترحيب
وفقك الله

[كاظم الفضلي]

الأديبة الرائعة ريمه الخاني ..
شكراً لكِ سيدتي الفاضلة على التثبيت
وسعادتي أن أجدكِ كحزمة ضوء صدقاً وعطاءاً
وأبداعاً في كل شئ . عدت لأكون بين الفرسان
جاداً بتألق منتدياتنا ونجاح مبدعيها وسروري أن
أجد نفسي قارئاً جيداً لما تكتبينه . تحياتي
وسأقوم بزيارة صفحة المباركة . مع تقديري .

كاظم الفضلي

[رغد قصاب]

سرر بقراءة جديدك شاعرنا العزيز
رغم بعض غموض بعض الالفاظ
تحيتي

[كاظم الفضلي]

الأستاذ رغد قصاب ..
كنت أنتظر مرورك وجميل رأيك
شكراً ودمت .

كاظم الفضلي