مو ممنوع ...

[كاظم الفضلي]

مو ممنوع ...
من نلكه الظلام اهموم
ننزع غيضنه .. انسوي الجفوف اشموع
ومو ممنوع .. من نغسل تعبنه ونركض بلاخوف
لان تعبنه السكوت ودرب مكطوع
ومو ممنوع من نعشك
اخافنه العشك عدنه ذنب محكوم بالممنوع
ومو ممنوع ...
ماظلت ظنون اتشكك ابالي
ولاعازة كلب مهموم
ظل محروم ..
فز وكظته اظلوع
الحجي ..
الصدفه .. كلام الناس خل ننساه
وخل نمشي حبيبي وحسنه مسموع
وعسه لا تلكاني غريب وصفنتي اسنين
ليل وكوخ
وذيابه ... وحماد
أوباب مشلوع
وأنه بلياك اتيه وغربتي عيوني
ويذبحني الصبرومكابري ايجوع
مو ممنوع من اغفه حبيبي بصدرك الولهان
اشم اخر وشالة روحي التلوع
وارد احط راسي اعله صدرك وبجي ساعات
وبجسمك اريدن امسح ادموع
خليهن اديه ايسون اشمااريد
اذا مر الخريف وطاحت اغصان
من دون النخل نتكابل اجذوع
خل نلعب بدينه ونرسم اكلوب
وخل نكتل قلقنه وننزع الثوب
ماكو عيون يمنه وجنت مخدوع
مو ممنوع ..
اذا مر العمر محد يرده براس مرفوع
واذا طاح التمر وانخرطت اعثوك
تهجرهه الطيور بجنح مخلوع
مو ممنوع ...
اذا شفنه الوكت ينباك مغصوب
خل نشبك بعضنه ونصرخ بصوت
الفرحه ثلجه بلهيب اشفافنه اتموع


كاظم الفضلي

[عبد الرحمن سليمان]

جميل وموسيقا عذبة رغم انني بحاجة لبعض تفسير لما ورد
وفقك الله
عبد الرحمن

[كاظم الفضلي]

الأستاذ عبد الرحمن سليمان ..
شكراً لمرورك وحضورك الكريم وتقبل ودي وتقديري

كاظم الفضلي

[ندى نحلاوي]

قريبة من القلب هذه القصيدة رغم غموض بعض مفردات ارجو شرحها
بانتزار جديدك دوما
وننتظر مروركم بالقسم الطبي
ندى

[ظميان غدير]

<h3>قصيدة جميلة ورائعة وعذبة يا كاظم الفضلي

دمت شاعرا عذبا تحيتي ظميان غدير

</h3>

[كاظم الفضلي]

السيدة ندى نحلاوي ..
شكراً لمروركِ وتفضلكِ وأعتز برأيكِ
سيدتي الفاضلة وأقدر دعوتكِ للقسم الطبي
وأدناه بعض معاني المفردات عسى أن تفي بالغرض

كاظم الفضلي

نكه / نجد
الجفوف / كف اليد
مكطوع / مقطوع
نعشك / نعشق
أخافنه / أخاف منه ( أو تأتي أتوقعه )
كلب / قلب
الحجي /الكلام
حسنه / الصوت ( صوتنا )
الحماد / الصحراء
أبجي / أبكي
نتكابل / نتقابل
أكلوب / قلوب
جنت / كنت
أعثوك / عثوق النخل
ينباك / يُسرق
نشبك / نحضن

[كاظم الفضلي]

المبدع ظميان غدير ..
شكراً أخي الكريم فأنت دوماً متفضل
بمرورك مما يزيدني أصراراً على التواصل
والكتابة تقبل محبتي وتقديري .

كاظم الفضلي