رحله ممتعة

[يونس محمود يوسف]

رحلة

يا عيني الكرم ماأحلى خضاروا
بشهر آذار عم نجني ثماروا
ما أحلى الدوحة الخضرا الجميلي
وما أحلى العنب يتباهى بشقاروا
مرة رحت في سفرة تقيلي
بمطلب رزق تاجمّع غماروا
وطلعلي عَ الدرب حلوي طويلي
عيونا سيف عّم تلهب شفاروا
ومتلي بإيدها الحلوي النحيلي
تتركب معي والأفكار طاروا
وشَحَّطت فرام دغري يا زميلي
وفتحت الباب الي قلبي جواروا
وقلتا تفضلي بكلمي أصيلي
ووجهي تكلل برقة وقاروا
وبرقة جلست وفستان نيلي
قصير شوية والأضرب زراروا
صباح الخير قالت هَ الجميلي
لساني خرس كلماتو انهاروا
وصار التوب يزحط عن خميلي
كساها التلج من أبهى قماروا
وصرت دور على كلمي نبيلي
ما فيني لقيتها الأفكار غاروا
كأنها عرفت الحملي تقيلي
ونفحة شعر عَ لساني مداروا
قالت بس نوصل عَ القبيلي
بلا ما عقلك يضّيع مساروا
اكتبلي شعر عَ الورقة وسيلي
وقتها بعزمك عَ البيت عندي
وإلا قلبك حكمت بدماروا
أبو هاشم

[ريمه الخاني]

ماشاء الله
اهلا بنص جديد وابداع احلى

[رانيا أبو النادي]

زجلية رائعة
وجميلة
تسلم اخي الشاعر

[ظميان غدير]

يونس محمود قصيدة جميلة وعذبة كما عودتنا يتميز حرفك بالرقةوالعذوبة تحيتي ظميان غدير

[الشاعر لطفي الياسيني]

تحية الاسلام
تحية النصر المبين
تحية الشموخ والعزة
تحية الكرامة
تحية المرابطين
في ارض الرباط
الى يوم الدين
جزاك الله خيرا
وبارك الله
لك وعليك
حروفك واطلالتك
وعبق كلماتك
بحر من العطاء
لن ينضب
كلماتك سفينتي
التي ابحر بها
في عباب البحر
الى شاطئ
البر والامان
حروفك ابجدية عشق
من سالف الازمان
موسيقى كلماتك الحانية
انشودة تتحدى
السجان والقضبان
قوافيك حصار
يحاصر قوى الشر
والاثم والعدوان
شهادتي بك مجروحة
ارسلها اليك
على جناحي
طائر الفينيق
من عتمة الدرب
الى مصباح
الامل والبريق
دمت بحفظ المولى
باحترام تلميذك
لطفي الياسيني
ابي مازن
قعيد على كرسي الاعاقة الابدية
فداء الاقصى والقدس الاسلامية