تسأليني مش عراقي!!!؟


وتسأليني مشْ عراقي!!!؟
وشلون يكون العراقي
وحـدر صدري تغفى نخلة
وبالتعب أمشي ويادجلة
والحزن بالروح باقي
وتسأليني مش عراقي!!!؟

هذا جدي المتنبي
يمسك بإيده المعري
يمسك بإيده المحبة
يمسك بإيده التلاقي
يقطع بليلة البوادي
بليـّا حدّ
بليـّا ساتر
لا جبل يوقف لاوادي
ويبقى طـِيرن حـرّ مهاجر
وتنتلي منه دفاتر
يرسم العالم محبة
شنهو كون بليـّا غربة

وانطروني يالأعادي
وتسأليني تسأليني
تسأليني
مش عراقي!!!؟