الافكار بقلم :نجلاء نصير

[نجلاء نصير]

تلاحقني الأفكار أهرب منها أتوسل إليها أن تتركني ولكن تطاردني في كل مكان
ابتعدي عني لا تشني هجومك اللعين
تعبت سئمت التفكير اتركيني ولو ثوان بلا تفكير
أجابت :هل تريد أن تحيا مثل الحمير؟
ياست حمير حمير بس ارحميني من التفكير ممكن نعمل معاهدة ابعدي عني شهر أو شهرين
ارحمينى منك أكيد سأكون من غيرك سعيد
قالت :تراهني قلت: لها نجرب
وصحيت من نومي وفضلت مستني الفطار يجي من غير تفكير ، أنا لما أقول عاوز افطر يبقي ابتديت أفكر لالا ارحمني يارب من التفكير أنا أفطر من غير تفكير ،
ولقيت في الثلاجة الجبن والبيض لكن أنا مش عاوز آكل بيض أنا عاوز مربي ، فجأة حذرتني الأفكار أنت بتفكر وحنقض العهد ويا ويلي مش حترحمني
اكلت الموجود وتمنيت أن يديم الله فضله علي ، وفتحت الدولاب وسألت نفسي :ألبس إيه؟ ولقيت الشماعات بتحذرني من التفكير إلبسي وإنزلي للشغل علي طول، ياربي هو أنا مش مرحومة من التفكير يا بخت الحمير
نزلت من البيت ولقيت الشارع فاضي سألت نفسي هو فلان هيعدي النهاردة ولا إيه؟!!!
يبقي المواصلات كمان مفيش امشي وأمري لله روحت الشغل
لقيت عم سعيد واقف علي باب مكتبي وطلب مني أروح لرئيس القسم ،وأنا في طريقي سألت نفسي يا تري عاوز مني إيه الملف المطلوب وسلمته، وشغلني التفكير
ولقيت الافكار بتقول :ياحمار هو في حمار بيفكر
أجبت: أكيد الحمار بيفكر لأنه استحالة يكون في مخلوق في الدنيا مش بيفكر
أنت نقضت العهد ومش حرحمك رديت حقك إعملي ما بدالك.
أنت مش كنت بتسألي ليه الشوارع هادية ومن الناس فاضية ،
حاجة من اثنين يا الناس خلصت او فلان المهم يمرمن الشارع يبقي لازم الشوارع من البشر تنخلي،
وبالمياه تنجلي ، وبالوردتنحلي ،والأمن يستتب والكل في بيته ينحبس ،ولسانه ينخرس
عم عليش بياع العيش يخفي ،وحسن بياع الجرايد والموظف المسكين يمشي لبيته ساعتين ،
ويتقفل المحل بتاع همام بياع اللحوم ولو احتاج الفقير لأدوية يقف في طابور مستشفي أميرية وياريت يصرفوا له كل الأدوية ،
ردهم يكون :فوت بكره علشان في نقص في الكمية
هي الناس تعبانة من شوية كل شوية مفيش وازاي وليه دايما عندنا عجز في المزانية
تصدقي معاهم حق يوسعوا لفلان ابن فلان لانه زى شعبه غلبان يادوب عنده من الحرس يجي مية

ومن عربات التشريفة يادوب عشرة طب دول بالعقل يعدوا ازاي ماهما دول اللي شايلن الهم
ماولادنا اتربوا علي الأمثال امشي جنب الحيط تسلم،
والباب اللي يجيلك منه الريح سده واستريح
واتربي الناس علي يا ابني الحيتان لها ودان يابني اصبر .. يا يرحل يا.....
نحيا بالسلبية ونريد الاصلاح والتغيير
نعيب زماننا والعيب فينا وما لزماننا عيب سوانا...

[ريمه الخاني]

فعلا....
واهلا بك غاليتي في عالم الادب الساخر

[فادي شعار]

نعم
ونهجوا ذا الزمان بغير ذنبٍ *** ولو نطق الزمان لنا هجانـا!!
أهلا بالقلم المبدع
أهلا بك أختنا الكريمة
نجلاء نصير
في رحاب الأدب الساخر
تقبلي تواجدي هنا
مع التحية

[ظميان غدير]

اهلا بك ونص ساخر جميل ورائع اخت نجلاء نصير
تحيتي

[علي جاسم]

نعيب زماننا والعيب فينا وما لزماننا عيب سوانا

نعم أختي نجلاء كل منا يضع اللوم على الآخر فقط لكي يجد مبرر ليس إلا

تقديري لكِ