اهداء الى مدير جامعتي الشعرية الفاضل يونس ابوصفره / الشاعر العروبي لطفي الياسيني
----------------------------------------------------------------------------
ليونس ابو صفره القوافي جيت اهديها
من ارض قدسي ... الى اغلى غواليها
لولاك ما كنت شاعر ... افهم معانيها
وبلاد فلسطين .. من صهيون احميها
يا قائد الركب .... سرج الخيل بكفيها
يونس ابو صفره .. رمز الفدا .. فيها
من يوم نكبتنا ...... الاطلال ببكيها
فلسطين بدها افعال . .... مش اقوال
كل يوم خطابات ...... الكل برويها
فلسطين ارض العز ... والرب راعيها
ارض الرسالات مسرى المصطفى فيها
من يوم عام الفيل في ارضنا بطولات
ابو جعفر الطيار ..... وصى اهاليها
لا سلم .. لا استسلام .. لا مفاوضات
النار بالنار .... بنرجع ... روابيها
الوحدة الوطنية .... واللحمة والقرار
وشباب 15 أذار ... حققوا أمانيها
محمود عباس وهنية ... توحدوا بالدار
والضفة تشتاق غزة ... مع نواصيها
استاذي ابو صفره ... ما عليك غبار
بطل المعارك ...... بالدم ترويها
الايد بالايد ... بنهدم كل جدار
وكيان صهيون الهش بالوحدة نطويها
احنا شعب فلسطين ... شعبها الجبار
قالها ابو عمار ... وياسين غاليها
ليتم تحرير القدس وما نعود زوار
الصلح خير .... نيال باديها
ابو مازن اخو ابو العبد احرار
علم فلسطين واحد .. عنوان بكفيها
والنتن مهما تجبر والاستيطان العار
لا بد يخلوا فلسطين وترجع لاهاليها
--------------------------------
الشاعر العروبي لطفي الياسيني