مصر المستقبل 00 للشاعر // محمد أبو زيد الأسيوطي

[محمد أبو زيد]

مصر المستقبل 000 للشاعر// محمد أبو زيد الأسيوطي

مصر بلدنا
منذ المهد
كانت أول صفحة نور
في تاريخ العالم
كانت شمس
للحرية وللتضحية
كانت أمس
اقوي حضارة شافتها الأرض
ليه دلوقت طوانا اليأس
بعد ما كنا
وكنا وكنا
ليه حضارتنا يا ناس تتهد
ألف حضارة بنتها بلادنا
ياما بنينا وياما شيدنا
وبسواعدنا
ح نبني الغد
مش بدموع العين ح نرجع
مصر بلدنا لسالف عهد
مش بالحسرة ومش بالكسرة
تاني ح يرجع عهد المجد
علشان نبني بلدنا بجد
لازم اليد تضم اليد
لازم نقوي علي أحزانا
لازم نؤمن بقضيتنا
والحرية تبقي شعارنا
لازم نزرع مليون شجرة
حب وفرح وسط مرارنا
لازم وسط العتمة ننور مليون شمعة
وسط الليل نحلم بنهارنا
وبأفكارنا
ندوس ع الدمعة
شمسنا طالعة
مهما تغيب أو تهجرنا
يوم ما ح نملك في الأيد قوتنا
يبقي قرارنا وامرنا بأيدنا
يومها ح نقدر
تاني نرجع مجد بلدنا
وبأولادنا
نغير بكرة
مش ح نموت علي باب الذكرى
زهر الخضرة
لابد يرعرع
فينا ويكبر قوي ويفرع
يمكن نطلع
بقي من قمقم
عارفين أمته
لما الظالم ميجيش يظلم
لما الكل يفوق يتعلم
يومها ح نقدر فعلا نرسم
المستقبل
أصلنا عمرنا يوم ما ح نوصل
ولا ح نعيش مستقبل أجمل
غير لو مات
الخوف لو شوفنا
عيوبنا ظروفنا عرفنا
الخير ووقفنا
علي رجلينا بخطوة جريئة
غير لو قولنا الحق حقيقة
لما الزارع يزرع أرضه
لما الصانع يدي سواعده
لما التاجر يوفي بوعده
لما يآمن
كل مواطن
أن لبلده دين في رقبته
وأن لابد يأدي رسالته
يومها ح يفرح بالمولود
لما يجيله
لما يحس ثوابه باقيله
مش ح يجف الحب في نيله
لما يحس هوه
وجيله
أن طريقه مش مسدود
وان في بلده مش مفقود
لما تعود
للحر كرامته
لما نصون للعالم هيبته
لما الحق كلامه يسود
المولود
يفرح بولادته
لما تعود
للطيب طيبته
مصر بلدنا تصبح جنه
كل آمالنا
أن الكل يفوق من وهمه
زي ما غيرنا ضحي بدمه
وقت الحرب
حرب السلم اقوي كتير
حرب ضمير
حرب العلم والتفكير
حرب مصير
حرب القوت
حرب القوة والجبروت
حرب الجندي
فيها العالم بس يفوت
أما الجاهل مش ح يعدي
حرب تحدي
فيها الموت
للي يمد أيديه للغير
وحده ح يغرق وسط البير
ولا كتير
علي مصر تكون
زي مال كانت
يبقي جنون
لو يوم هانت
مصر الغالية
مش ح تهون
مصر دي ليلي وأنا المجنون
مش مجنون
هو جنون إني احلم تاني
تقود بلداني كل الكون
هو الحلم يا ناس
له حدود
نفسي نسابق كل الكون
نفسي نآمن أن الضامن
ربنا وحده
دايما وعده
يا ناس مضمون
قال في كتابه إننا أحبابه
لو قربنا وخوفنا عذابه
ح يكون لنا
دايما في العون
مع فائق احترامي وتحياتي
الشاعر // محمد أبو زيد الأسيوطي

[ظميان غدير]

قصيدة جميلة


بارك الله في مصر وفي أهل مصر ..


كان بودي أن تقوم بنشرها في قسم الشعر الشعبي حيث مكانها


وحيث تجد كل الحب والترحيب مع من يحبون مثل هذا الشعر



محمد أبو زيد


تحيتي لك

ظميان غدير

[محمد أبو زيد]

اخي الحبيب القصيدة بالفعل في قسم الشعر الشعبي
ويبدو انك لم تلاحظ او انني لم اتفهم قصدك
عموما
اشكرك علي المرور والتعقيب
اخي الحبيب
شكرا لك
اخوك الشاعر// محمد ابو زيد الاسيوطي

[محمد أبو زيد]

اقدم لاخواني الكرام اعضاء المنتدي تسجيل فيديو للقصيدة اتمني ان ينال استحسانكم
هذا هو الرابط

[ريمه الخاني]

شعر يضوع جمالا وعذوبة كيف فاتتني
بورك المداد والحرف/ترسل بريديا

[محمد أبو زيد]

مرور الكاتبة القديرة ريمة الخاني اعطي للقصيدة بريق خاص
تحياتي لك علي تعقيبك ورجائي دوام التواصل
فهو شرف لي

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى