فطائر الزعتر الملاتيت

[رغد قصاب]

***فطائر الزعتر الملاتيت***
منقوووووووول
هذه الوصفه من تراث فلسطين
وهالفطاير طيبه كتير مع كاسة شاي او حتى معبندوره وبصل اخضر
الفرق في معجناتي انه الزعتر الاخضر ياللي استعملته كان منشف
لانه ما في عندي متوفر الزعتر الطازج الاخضر والماما الله يخليلي اياها
بتنشفه وتبعتلي اياه وانا لمن استخدمه ببلله بماء دافي وبتركه فيه 5 دقائق بيرجع كانه طازج
وطريقتي بتحضيره
بفرم بصله كبيره لمقدار 4 كمشات زعتر ناشف (مقدار قبضة يدك)
ونقلب البصله مع زيت زيتون على النار لحتى تدبل ثم نعصر الزعتر من الماء ويضاف للبصل ويقلب ويطفئ النار

هذه الخطوه فيك تجهزيها في فتره ترك العجينه تخمر
الان العجينه تكون طريه كتير وطريقتها مع المقادير

6 ك طحين +1ك حليب ناشف +1مل ص ملح +1مل ك سكر +1مل ك خميره
يخلط ويضاف عليه 3\4 ك زيت زيتون+حوالي 3ك ماء او حسب ما تطلع عندك عجينه رخوه تترك تعجن بالعجانه 3-4 د






ثم تترك تتخمر 1\2 س -1 س وذلك بعد مسح وجه العجينه بالزيت وتغطيتها بكيس نايلون

تقسم العجينه لكرات كما في الصوره

ناخذ كل كره ونفردها بشكل مستطيل

طبعا بعد وضع كميه من الزيت على سطح طاولة الفرد ومسح اليد بالزيت عند فرد العجينه
نضع على 2\3 العجينه خليط الزعتر ونرد 1\3 الباقي الغير مفرود زعتر على 1\3 من المفرود بالزعتر

ثم نرده على 1\3 الاخير فتتكون عندنا 3 طبقات وبينها زعتر

نفردها قليلا ثم نوزع مره اخرى طبقة زعتر خفيفه ونطويها ل3 طبقات






وتترك ترتاح ونعمل البقيه
الان يالصينيه نمسحا زيت ونفرد الفطيره وننقلها للصينيه ونفردها مره اخرى

وتخبز على فرن 400 د لحتى يشقر وجهها




ويا رب يكون عجبتكم


ويا هلا ومرحبا فيكم

--------------------

[ريمه الخاني]

شكرا رغد سوف احاول ان اطبقها

[محمد الأصبحي]

شكرا رغد على الموضوع الزعتري
و خالتي ريمة أبئي خبرينا بالنتائج و عدد الضحايا

سلام

[صهيب توفيق]

مشكورة يا رغد
هي أكلة شعبية فلسطينية أصيلة ومشهورة جدااااااااااااااااااااااا
وطبعا طعمها شهي وان شاء الله تعجبكم