ع العين / صوره من النكبه

[يعقوب احمد يعقوب]

	عَ العين (قصيده باللهجة البدويه الفلسطينيه) شعر يعقوب أحمد يعقوب / فلسطين **** عَ العين سالوا عَ العين ميات حب العينين ومن عين سالوا لعين ... حتى ..بلوا الرقبه *** وما يعلم غير الله الله ما بو سواه وين الوطن خبا مفتاح اخوه معاه وماله مفتاح سواه خباه تحت العتبه *** ومزراب مقطوع رقبه عطشان ما بو حبه وتبان محروق خبا قطين حبه بحبه وقرن خروب جنبه بزره زغيره بقلبه وقطب فوقه قطبه تايبقوا شجرتين ع العين سالوا ع العين ميات حب العينين ومن عين سالوا لعين حتى بلوا الرقبه *** وستي ال خاقت ربا خلعت عظمة كعبا ودقت مسمار طبعه علقت صورة اقصى وفوقا صورة الكعبه *** ومن حرقتا وغلبا سقطت عند العتبه وسقطوا فوقا الصورتين سقطوا والله الثنتين ع العين سالوا ع العين ميات حب العينين ومن عين سالوا لعين حتى بلوا الرقبه