حتى ابليس هاجر من مصر

[مصطفى الطنطاوى]

الشاعر على سلامة

على باب سفارة كندا

حتى ابليس هاجر من مصر

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد...

في كل البلاد..

ومش محتاجين شياطين .. مليش عيش ف دي البلاد..

....

بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..

يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ ... ولا كمساري ف اتوبيس..

يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصرا حه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..

يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده

[علي جاسم]

السلام عليكم


العوز هو الذي يدفع النايس إلى البحث عن فرصة للعيش في بلاد أخرى

وهذا ما يحصل في مصر كما يحصل مع أغلب الدول العربية

شكراً لك أخي

[عبدالوهاب موسى]

تطهرت كنانة الله منه كما تطهرت جنته لارده اليها إبدا.
أخى الحبيب الطنطاوى
مانقلته نثر لايرقى أن يكون شعرا شكلا ومضمونا مع
احترامى الكامل لأخى عللى سلامة ولنقلك!!

انظر ماكتبته أنا بيرم المصرى فى رباعية واحدة اختصرت
معاناة الفرد من حياته الى مماته فى صورة بعيدة عن التصريح فالشعر تنلميح كما تعلم:

الوطن موش طين وميّة أو حدود تحض بيوت!!.
أوخلايق بالها رايق لابسه هدمة ومالكة قوت!.
الوطن إحساس بيسرى فينا واسمه الأنتماء..
مهما يطرد فينا نرجع فيه نموت ميت ألف موت!!.

=====
لك محبتى فى الله

[ظميان غدير]

ليس هنالك بلد عربي خالي من الفساد الاداري
وربما مصر ليست الوحيدة في هذا
المشكلة نحن كشعوب علينا ان نكون واعيين
تحيتي

[عبدالوهاب موسى]

ليس هنالك بلد عربي خالي من الفساد الاداري
وربما مصر ليست الوحيدة في هذا
المشكلة نحن كشعوب علينا ان نكون واعيين
تحيتي

=====
دمت برقى فكرك أخى الحبيب/ظميان غدير
أنت لست بظميان أنت تروى فكرنا برى سرمدى
لك محبتى فى الله