خيرني ...

[كاظم الفضلي]

خيــرنـــي ...



خيرني ...
أتمنه أتخيرني وأختار
وعلمني أشلون أتغير طبعك ..
وأنه بطبعك زنجر بي أشكم مسمار
وكرهني ..
حته أختارك بين الميت باجر
وبين إيمام أطلبه الناس بثار
وبين ألكاك أمراد ...
وبين أذبح حسراتي بسكته
ولا تختار ..
عيوني ..
الوحشه ...
وروحي .. وعوز الدنيه
وأنه وأنت أنرد حفاي
ازغار أوجوه الناس البينه أهموم
أركض بيك بحيلي وحيلك
أندك كل بيبان الوادم
ومن أنام ... انام بجوع
ونفس الصار العدكم عدنه الصار
هذا الجان بزغري وزغرك
لا تحتار ...
ارجوك أرحم كل ظنوني وكل أحساسي
أنه أتهدر صار أسنين بموكد نار
خيرني ..
بين أتحبني ..
وبين الماشالتني بذهنك يوم أفكار
خيرني ...
أتمنه أتحيرني وأختار ..





كاظم الفضلي

[ظميان غدير]

	كاظم الفضلي قصيدة رائعة وحضور جميل بهذه الكلمات العذبة تثبيت واهلا بك ظميان غدير

[ريمه الخاني]

هلا بغيث حرفك يهطل مطرا وجمالا
اهلا باول نص وبانتظار المزيد المزيد