الانترنت 2020 سوريا

[wgxblack]

السلام عليكم اخواتي مشان قرار الاتصالات الجديد اذا تطبق في شوي إجراءات ونصايح خطرت عبالي ممكن تخفف إستهلاك النت ولا تستهينوا فيها ومهم تعملوها على كل الأجهزة المتصلة بالراوتر لح اشرحها ((( ليلي ما بيعرفها )))وبلصور كمان بدلكون وين بتلاقوها :
١- بتطبيق لفيس بوك من
setting and privacy>Data saver>always turn off Data saver on wifi
منفعل اول واحد ومنلغي التاني متل الصوره

٢-الواتس اب :
Setting>Data and storage>media auto download>whene connected wifi>
منلغي كل لخيارات ووقت حدا لح يبعتلنا ميديا صور فيديوهات صباح الألماس💎 لملك الاحساس مع حسون وكناري🌹🦜 ماعاد تنزل لحالها 😏💪⁦✌️⁩

٣-play store
Setting> auto update apps>don't auto update apps
بتصير تعمل ابديت للتطبيقات المهمه بس او إذا خلص الشهر ومامعك لسا رصيد 🤣😏

٤- إعدادات الجهاز للاندرويد :
Setting > system apps updater > auto update> don't update

ملاحظة: التحديثات مهمه ما بصير تتوقف عطول بس منصير نحن منختار ايمتا منعملها ممكن بأخر ااشهر ازا كان في رصيد زايد او اذا رحنا عند قرايبينا مثلا 🤣🤣🤣
٥-snaptube
هاد اهم تطبيق، بنزل الفيديوهات من اليوتيوب وسهل كتير هاد رابط التنزيل من موقعه الرسمي

https://www.snaptubeapp.com/

[أسامه الحموي]

#هااااااااااااااام
لنوضح شوي شو يعني تقنين الانترنت :

â*•ï¸ڈ حاليا مافي اي مبالغ مالية اضافية هي اهم نقطة ....
â*•ï¸ڈ كل مشترك بحقلو حجم استهلاك معين خلال الشهر
حسب السرعة المشترك فيها ... مثلا :
• سرعة 1 ميجا بحقلك استهلاك شهري 50 جيجا....
• سرعة 2 ميجا بحقلك استهلاك شهري 85 جيجا ....
• سرعة 4 ميغا حجم الاستهلاك الشهري 140 غيغا شهرياً
• سرعة 8 ميغا حجم الاستهلاك الشهري 175 غيغا شهرياً

â*•ï¸ڈ طيب ... في حال انا كمشترك خلصت هالحجم
المخصص الي شو بصيير .....؟؟؟؟
• الجواب : يلي رح بصير انو بخفضولي السرعة ل 256
بدل ما كانت 1 او 2 ميجا ...

â*•ï¸ڈ طيب ... بس خلص الباقة المخصصة الي
بيقطعولي الانترنت .... ؟؟؟؟؟
• الجواب : لاء .. وانما بخفضولك السرعة فقط .

â*•ï¸ڈطيب بس خفضولي السرعة ايمتى بترجع للسرعة الاساسية ... ؟؟؟؟
• الجواب : بترجع مع بداية كل شهر .

â*•ï¸ڈطيب انا بدي استهلك الحجم المخصص الي
وبدي حافظ ع سرعتي شو بعمل ...!؟
• الجواب : بشتري بطاقات شحن يلي رح يطرحوها
قريبا بالسوق ....

و بهالبوست رح حاول حطلكن اغلب التطبيقات اللي بتستخدموها شو بتصرف
• اليوتيوب :
- إذا كنت عم تتفرج بدقة 144
رح تصرف حوالي 1 ميغا كل دقيقة
- دقة 240 رح تصرف حوالي 4 ميغا كل دقيقة
- دقة 360 رح تصرف حوالي 6.5 ميغا كل دقيقة
يعني إذا كل يوم بتفتح يوتيوب لمدة ساعتين
و بتتفرج على دقة 240 رح تحتاج بالشهر
حوالي 10-12 غيغا

• الفيس بوك :
- تصفح عادي و مو كل ما طلعلك فيديو تتفرج عليه
رح تصرف حوالي 100 ميغا بالساعة يعني حوالي 3 غيغا بالشهر هاد بحال ما كنت مدمن فيس
و بتفتح بس ساعتين او 3 باليوم

• المسنجر :
- بالمكالمات الصوتية بيصرف حوالي 20 ميغا بالساعة
- بمكالمات الفيديو بيصرف حوالي 100-120 ميغا بالساعة يعني أزا بتحكي مكالمات فيديو بمعدل ساعة يوميا بدك بالشهر حوالي 2-3 غيغا

• الواتس اب :
بيصرف حوالي 130 ميغا بالساعة خلال مكالمة الفيديو
و حوالي 12 ميغا بالساعة بالمكالمات الصوتية يعني مكالمة صوتية كل يوم لمدة ساعة بدك بالشهر حوالي 1 غيغا
او اقل شوي

• الانستغرام :
بيصرف حوالي 50 -100 ميغا كل ساعة لأنه فيه
تحميل صور و فيديوهات كتير يعني شهريا حوالي 2 غيغا

ــــــــــــــــــــــــــــــــــــــــــــــــــ ـ
âڑ*هي بعض الأمور الي لازم تنتبهو عليها كرمال تقللو من استهلاك باقات النت ..وماتصرفوها عالفاضي

1⃣ بتدخلو للواتس وتطبيقات الدردشه وبتعملو ايقاف للتحميل التلقائي للصور والفيديوهات
(لانو اغلبها بتكون صباح الخير ومساء الخير وطاب مساؤكم)
واذا بتتركوهن بيتحملو كلن كارثه

2⃣لاتشغلوVPN الا وقت بتحتاجوه لأنو بيستهلك معدل نت كبيييير

3⃣من اعدادات المتجر بتعملو ايقاف للتحديث التلقائي للتطبيقات والألعاب وبتعملوه يدوي

4⃣بتعملو ايقاف لميزة التشغيل التلقائي للفيديوهات اثناء التصفح ( بالفيس والانستا واليوتيوب وباقي التطبيقات )
بننزللكن بوست مفصل اكتر بخصوصن..

5⃣لاتشغلوVPN الا وقت بتحتاجوه ��

6⃣ توقفو تشغيل التطبيقات بالخلفيه لانو بتستهلك نت كتير

7⃣لما بدكن تنامو او تدرسو .. لاتخلو ال wi fi شغال على الموبابل ..اطفوه

8⃣عملو تعطيل للمزامنه التلقائيه للتطبيقات متل فيسبوك وصور جوجل الي بتعمل مزامنه للملفات والصور وبتستهلك قدر كبير من الطاقه
(من ضبط اعدادات المزامنه على موبايلاتكن )

9⃣واخيرا لاتشغلوVPN الا وقت بتحتاجوه ��

وانشالله هيك بيخلص الشهر ومابتخلص الباقه ..
—————————————————
اذا عجبكم الموضوع واستفدوا منه ادعموا الصفحة
لايك .. تعليق
#Different_Touch
Alaa Aldeen Mahmoud

[أسامه الحموي]

https://fast.com/ar/

لاختبار سرعة النت