لازم أكـدب والله عليكي

[دكتور أحمد الليثي]

رد على قصيدة "غرقتيني ف بحر جمالك"
لأخينا الشاعر حسني عبد الله جاد:
التي أنهاها بقول "لازم أكتـب والله عليكي"
============

لازم أكتـب والله عليكي
لازم أكـدب والله عليكي
كله محصل بعضـه يا سيدي
دي مراية سودة، كلام تقليدي
خليـك يا بني تملِّي سبـور
قول للحب "ف داهية، وغور"
دي بنات حوا اشكال والوان
وكله يجيب لك يا بني جنـان
ليه تتـذلل؟ ليـه تتمطـوح؟
ف حبال دايبة، ومالك مطرح
قلب الست ده ميّـة حبك
ضـربة شمس تبخّـر إسمك
وانت يا عيني تبـات محتـار
وتلـوم نفسك ليـل ونهـار
اسمـع مني وخـد بكلامـي
ده كلام صح، ومش أوهامي
عيون الست عيـون كدابـة
دقات قلبها صـوت م الغابة
ما تعـوز منك غير مصالحهـا
تمصمص روحك من لغاليغها
وان جيت مرة تقول يا فرامل
تبقى مصيبـة وأوعى تحاول
تنتهي يا بني في كيس، متقطع
وهيّ ف ورْثَك كله تبرطـع
أصل الست مزاجهـا يا سـائل
يوم ف العالي، ويوم ف النـازل
مـرة تحبك ، مـرة يا سـاتر
مـرة تصيبـك رفسة حـافر.

اعمل بقى شـربة ومحاليـل
غيـر دمـك بالتحاليـل
شيل حبهـا م الشـرايين
يكمل عنـدك "كوول" الديـن.

[فراس الحكيم]

الستات الستات
طول عمرهم زي البنات
نعمل ايه يارجاله
امرنا لله كلنا اغراب
وقلم رااااااااائع
فراس

[ريمه الخاني]

الكذب موضه
والصدق راح واندثر...
ايمتى يرجع ونحتفل بيه؟
وتحيه لقلمك استاذنا

[دكتور أحمد الليثي]

الستات الستات
طول عمرهم زي البنات
نعمل ايه يارجاله
امرنا لله كلنا اغراب
وقلم رااااااااائع
فراس

الأخ الفاضل الأستاذ فراس الحكيم
شكر الله مرورك وتعليقك. ولسنا أغراباً فقط، بل "غلابة" أيضاً.
كان الله في عوننا. والله ع المفتري اللي بالي بالك.
دمت سالمــاً.

[دكتور أحمد الليثي]

الكذب موضه
والصدق راح واندثر...
ايمتى يرجع ونحتفل بيه؟
وتحيه لقلمك استاذنا

الأخت الفاضلة الأستاذة ريمة
شكر الله مرورك وتعليقك. إليك هذه القصة، لنعرف متى سنحتفل بالصدق:

اتفق الحق والباطل على شراء حمار، بحيث يركب الباطل الحمار يوماً، ويركب الحق الحمار يوماً آخر. فاشتريا الحمار، وفي أول يوم ركب الباطل الحمار. وفي اليوم الثاني أراد الحق أن يركب الحمار، فاعترض الحق وقال: إنك ركبت بالأمس، واليوم يومي أنا. فاعترض الحق على هذا القول، واختصما. فذهبا للقاضي.
فقال الباطل للقاضي: يا سيادة القاضي، أيه اللي يمشي، الحق ولاّ الباطل؟
قال القاضي: طبعاً الحق اللي يمشي.

فقال الباطل للحق: مش قلت لك؟

[دكتور أحمد الليثي]

أرجو تعديل:
فاعترض الحق وقال: إنك ركبت بالأمس،

إلى:
فاعترض الباطل وقال: إنك ركبت بالأمس،