ياريت محدش يزعل من البوست ده الكلام ده للبنات اللي بتلبس هدوم ضيقة وحاجات بتبين تفاصيل جسمها وبناطيل مقطعه !!😔


اقسملك بالله لو اخدتي بالك من نظرة الشاب وهو بيبص عليكي وانتي ماشية بلبسك دا هتتمني ترمي نفسك تحت عربية ولا يبصلك بالطريقة دي
البناطيل الضيقة اللي مبينة تفاصيل جسمك تلبسيها ليه ماانت لو مش بتعرفي تلبسي غير البناطيل ممكن تجيبي بناطيل واسعة بشرط تجيبي عليها حاجة تكون طويلة من فوق وواسعة والاحسن بلاش بناطيل خالص ربنا شبة اللي بيلبسو بناطيل بالرجال خلي ربنا يرضي عليكي بقي


وعلي فكرة الخجل مش انك تتكسفي و وشك يحمر لما حد يكلمك ولا يعاكسك لأ !!


الخجل ان حيائك يمنعك انك تلبسي هدوم مبينة كل تفاصيل جسمك !!


الخجل انك تستحي ف يكون ف رد فعل منك اقوي من احمرار وجهك !!


الخجل دا انك متعرفيش تمشي غير وانتي مستورة !!
استري نفسك اقسم بالله الستر دا نعمة كبييرة من عند ربنا !!


ولو فكرتي شوية هتلاقي ان التعري كانت اول عقوبة لسيدنا ادم عليه السلام لما اكل من الشجرة ف الجنة !!


يعني انتي بصي لنفسك وشوفي ع قدر سترك ع قدر رضا ربك عليكي !!


والله العظيم النار مش هتستحمليها !!


استري نفسك قبل م ييجي عليكي اليوم ال تتستري فيه بالكفن غصب عنك !!


اعتبري دي نصيحة والله الستر دا نعمة من ربنا ومتعة انك تحسي انك متصانة من كل شئ ومش من حق اي حد انه يشوف تفاصيل جسمك ويتأمل فيها واقسملك بالله ما هتلاقي حد يقولك الكلام دا وكله بيقي عاوز ينهش فيكي !!


النهاية وسعي لبسك والبسي اللبس اللي ينفع تصلي بيه ولو مش عاجبك يا ستي ليكي كامل الحرية بعد كدا بس حاولي تجربي ولما تدوقي حلاوة الستر
استحالة تسيبيه !!❤


منقول