من فن الواو- عشق الغلابة


هو



مشـتــــاق وقــــلبى مَـــكَـــن دار



والحـــــب دوَّب جـــــــــــــــدارُه



لــــولاكى قــــلبى ماكـــــان دار



ولا حــــــد غيــــــرك جــــــا دارُه



هى



رايـــــداك وقــــــولك عـــــاجبنى



ع البعـــــد حـــــبى بـــدا-لــك



لو اكلهـــــا بالــــزيت ع جِـــبنى(1)



ماحـــــد ينفــــــــع بــــــــدالك!!



هو



قــلبــــى هجــــرنى وِجَــــهْ لك



ماانـــتى زمـــــانى ووجـــــودى



عاشقـــــك بعِلمــــك وجهــــلك



يابنــيـــــة حــــــنِّى وجــــــــودى



هى


كيف سبْع فى الصحرا وعـــــــران(2)


يـــازايــــــن اهـــــلــــك وجـــــيلك



لـــولا ابويــــا عارفــــاه وعــــــــران(3)



لاهجـــــر ديــــارى واجــــيـــــلك!!



هو



لا حــــــــن قلـــبـــــك ولا طــــــــل



والســـهـــــــد حــــــرَّق عـــيــــــونى



ســــيــبـــانى فى البــــرد والطــــل



واشـــــواق فى قلــــبى عَـــــــيونى(4)



هى



فى البحـــر راميـــين شـــبكنــا



لكــــن ماطلــــعوا بصــــــيـــــرة



يامـــــا بالعيـــــون اتـشـــبكنـــــا



بـــس الأيــــــادى قـــــصـــيـــرة!!



هو



والـله ان ســــــعدنى وصـــالك



لاانصـــــب فى بلــــدك مزايـــر



واقــــضِّى عمـــــرى فى سالــك



والــلى يجـــــافيكى مــازايــــــر!!



هى



الـــعشـــق يشــــــبـــــه لســكيـــن



يزمـــــن جــــــروح الجــــراحَى



يامبــــــلى بالعــــشق مسكيـــن



م العـــــشق عمــــــره جا- راحــة



هو



دانا كنــــت هــــايم وحَرجـــان



ولا مــــر ة طيــــــفك جا –زايــــر



ياما انــتـــظرتك فى حِرجــــان(5)



وتـــعـــبــنى بـــــرد الجـــزايـــــر!!



هى



طــول عمرى اقاسى هــــــوانى



والشــــوق بـــحـــــوره غـــــوارِق



فيـــــه ألف عاشــــق هــــــــوانى



والقــــــلب لمــــــــــا غـــــوا-رَق



هو



ياام الأيشـــــــارب الـــلمــــونى



والتــــوب فى خــصرك حـــلالى(6)



مهمـــا الخــــلايـــق لامــــــونى



إنــــتى نصــيــــبى وحـــــــلالى



هى



لو أنــــوى ع الحــــب ملاهيــش



ولا حــــــد يعــــــــلم ســـــــرايــــا(7)



معاك انا اسكن فى بيت هِيش(8)



مش عايــــزة عــــزبة وســــرايـــة



هو



عارفـــــانى دايــــماً ولـــد زيـــن



حــــافظ الأصـــــول والجـــمايل



لاأعــــــرف الــهــــلس والـــــزين(9)



ولا مــرة قلــــــبى جـــا-مايـــــل



هى



عارفـــــاك وعليــــــا صــــعـــــبان



والصـــبر ليـــــك والجـــــــــلادة



ياحبيبى كل اللى صاع بـــان



ولا عمــــره قلبـــــك جــلا-ده(10)



هو



نفْــــســــى ونفْـــســى ونفْـــــســى



وانـــــظر بــعـــــيـــنى مـــــقـــــدَّر(11)



والدنيـــــــا كتـــمــــالى نفَــــــسى



والـــفــــقر ع النـــــــاس مقـــــــدَّر




هى



الفـــقر عمـــــره ماكــــان عيــــب



والخــــلق مــــش بالمظــــــــاهر



فيــه زول لابـــــس حــرير عيب(12)



وسْـــــط المجـــــالس ماظـــاهر!!



هو



الـــدنيــــــا بـــرضــــك مراتــــب



القـــصــــر تساويــــــه بـــعيشــــــة(13)



تفــــتكرى يكْـــــــفِى المرتــــب



فى زمن صعيــــب المعيشـــة!!



هى



أسكــــن فى عشـــــة ولا انّيـــــش(14)



آخـــــدلى راجــــل مااحـــــــبَه



لا عايـــــــزة تسريحـــــة ولا نيــش(15)



إنـــت الســكــن والمحـــبـــــــــة




هو



فيه خـــلق عـــايش على القِــل(16)



فى الخــــيمة محــــــلا غُنــاهم



فى الــــهم لا تشـــــيل ولا تقـــل



والحــــب وحـــــده غَــــــنــاهم!!



هى



وفيه نـــــاس مااوسع خــــــلاهم



عـــربيــــــة وفــــــلوس وشـــــقـــة



والــــحـــــب لمّــــــــا خـــــــلاهم



صبحــــــت حيــــــاتهم مشـــقّــــة




هو



كـــــل الأمـــور ميـــتــقـــضــــيــــة



يــــالـــلى الســـنيــــن قلَّـــــبوكى



حاادخــــــل ولا فى100قضيــة



لـو حــــــد راح قــال لابـــوكى!!



هى



حيــــرتـــــك فى قــــلبى تعَـــــلِّى(17)



بالجَـــــــد عـــــينك فــــــواتــــــح



هـــــات ابــــــوك يـــال وتــــعــلِّى



مع ابـــويــا اقــــرا الفــــــواتــــح!!



**********************************************


هامش


1-ع جبنى ..... على جبنة


2-وعران ...اى وعى ورنا ... نظر ودقق النظر


3-واعر وصعب


4- عَيونى ... امرضونى


5-حِرجان ... بكسر الحاء جمع حرجة وهى اراضى زراعية شاسعة تبعد عن القرية


6-حلالى .... اى يحلو لى


7-سرايا ....سرى


8- هيش ... نبات ينمو على شطوط الانهار يستخدمه الريفيون فى صناعة اقامة العشش


9-الزين ....الزنا


10- جلا-ده....اى احترم هذا الشئ ووقره


11-مقدّر .....ماقادر


12- حرير عيب ....عباءات من الحرير


13-بعيشة ..... بعشة


14- ولا انيش.... اى ولا إنى


15- نيش ... نوع من موبيليا العرائس توضع فيه الآنية


16-القِل ...القليل


17-تعلِّى ..... تعلنى اى تسبب لى علة وجرح.