البارحــه يا ناس ما نامت العيـن
{ساهـــر} أنا والليّل يسكن كياني

من ضيقتي أبحرت مدري على وين
وضاقت علي إصدور كل المباني

الحزن طوقني وأناااا خاطري شين
واللّيل خيّــم بيـن حدب المحاني

اللّيـل أشبااااح.. وعـويل.. وثعابين
والحزن مركب في بحوره خذاني


الحزن ماهـو بعـــد غالــي لغاليـن
ولاضامني غـدر الزمان وبلاني

الحزن أوجاااع الرجال الغيورين
من صمت حكّام الغنى والغواني

الحزن صرخات الثكالا من إسنين
في مجتمع أطرش ضميره يعاني

الحزن أنفاس العذارا المساجيـن
أنفاسهم مااا بين زاني و زاني

الحزن حسرات الجيـاع الملايين
على فتات الخبز تحت الصواني

الحزن دمعات اليتامـا المساكيـن
في لحظة استيعاب موت الأماني

وين إنت يادرب الضعون المقفيـن
بين الهدير وبين صوت السواني ؟؟

للحزن بعيوووني دروب وعناوي
وللحزن في قلبي قصور ومواني

الحزن بعيوني من إسنين وإسنين
مؤمن ولو {ساهرت } ليل الغواني
منقول
ذيبان