مدخل:
أسمحوا لي أن اضعها حيث لا موقعها
تتجسد امامي تلك الملاك كما تتجسد ريم الفلا

بسم الله ابدأ

أبعتذر يا حب عن كل ما صار
عن ما جرى ياليت لو تعذريني

سبحان من يعلم خفيات الأسرار
يعلم بما سوى هوى ريــمـ فيني

حبي ترى ماهوب درهم ودينار
وحبك ترى يصعب على المشتريني

انا عشقتك عشق عذري و محتار
ما بين موجات العبث و اليقيني

ياليت من ضمك مع وقت الأسحار
قدام لا تغفى مع النوم عيني

وياليت من يبحر معك ضمن الإبحار
ونصير في موج الهوى سابحيني

وياليت من يعطيك سره والأخبار
وابوح سري لك ولو تقبليني

انا مشيت من الصبر خمسة أقطار
شي ٍ يخـلّي كل قاسي يليني

تكسّر المحمل يجي عشرة أكسار
في بحركم تصفق يساري يميني

يا ريــمـ لو بختار ما غيرك اختار
انتِ الثريا في سما العاشقيني

وإن ما قبلتِ كل وجدي والأعذار
وإلا يفيض الصبر بالصابريني

مشاعري دونتها ضمن الأشعار
من دمعة ٍ مسحتها باليديني
::
::
من دمعة ٍ مسحتها باليديني
::
::
من دمعة ٍ مسحتها باليديني

مخرج:
أنا أشهد إنا مسرفين وخلق ربي مسرفه
يالله تغفر مامضى لي ياغفور ويارحيم

قلم-عادل الدوسري