واقول توبة

[محمد الشلقامى]

واقول توبة اخر نوبة...................................وارجع تانى بعد ما اتوب

واقول يمكن اكون طوبة..............................تقوى جدارك المقلوب

الاقى الصورة مقلوبة ................................الاقى الحقد اصبح توب

الاقى ناس فى غيبوبة................................وناس تانية ما فيها قلوب

الاقى الحيبة محسوبة ..............................ومقسومة وانا المضروب

وارجع تانى للغربة ................................الاقى ناس كتير هاربة

وبحر الروم يكوت طوربة.............................ولا طايلين شمال وجنوب

واقول توبة اخر نوبة ................................وارجع تانى بعد ما اتوب

ما انا عاشق يا محبوبة...............................وفية عاشق كرة محبوب

وانا عابد فى محرابك.................................على صدرك بقيت مصلوب

ومن صدرك شربت الصبر...........................بقيت صابر يا صبر ايوب

....................................واقول توبة ..............................................