يا بنت شيخ العرب

[كمال العطيوى]

من العامية المصرية
============

يا بنت شيخ العرب
..............

يابنت شيخ العرب
صونى سَمار عينك
دا المركب اللى غَرق
عِشق جَمال ليلك

يابنت شيخ العرب
فين الجمال ينصان
بُرقع جَمالك هرب
ما عتش ليكى أمان

كُنا زمان نِهواكى
كلمة .. دا تِبقى كتير
والعين بتجرى وراكى
تتعاجب المسَاطيل

والفِتنة طبعك ودَمك
شربات بيشفى عليل
والبُرقع اللى مِداريكى
له رقه يقول لى : مِيل

يا بنت شيخ العرب
ليه الجمال يِنْـداس ؟
دا صدرك اللى انكشف
غير لى طعم الكاس

يامُ الدلال ويا خِفه
ويامُ وسط شبيكه
فين الأصول والعِفه
ودا شَعر وللا باروكه ؟

ويا بنت شيخ العرب
صونى سَمار عينك
دا المركب اللى غرق
عشق جمال ليلك

شعر
كمال العطيوى
مصر
حقوق النشر موثقة ومحفوظة

kamalmye@yahoo.com

[راما]

دعوة للحشمة من عربي ملتزم غيور
شكرا لك
راما

[عبد الرحيم محمود]

نعم أخي الشاعر فالجمال في صونه لا في ابتذاله
حرصك يدل على كرم أصلك وجميل خلقك .
أما البناء الشعري فراق ومكتمل شكلا ومضمونا
لك احترامي شاعرنا الكبير .

[ريمه الخاني]

سررت بالمرور من هنا فكفانا تسويق للعواطف غير القويمة
تحيتي وشكري

[ظميان غدير]

قصيدة رائعة وجميلة
وقال الشاعر قديما

ليس الجمال بمئزر**فاعلم وإن رديت بردا
إن الجمال معادن **ومناقب أورثن حمدا