شعر باللهجة الحلبية

[فتى الشام]

شفتك أول مرة جنب بيتنا بالحديقة الزغنوطة
وقلبي لما طسّيتك طرق أحلى زغلوطة
شقد كنتي نهارا متلبكة وشكلك معبوطة
وانهزمتي مني !!! ........ ايه بدي الحقك لو لفيت متل ابن بطوطة
أبوس شناق وش الحجي اذا بخطبني ياكي
والله يستر يقوم ما يستحمل كتر كرّي وعلاكي
يأنو يا خيتو بزت حالي من فوق السجرة اذا بدي اعيش بلاكي
بقا انشالله يصير بيت أبوي هو بيت حماكي

ويا يوم على ايشربك البني لما طيرو الهوا
وأنا شفت وشك طبيت بأرضي وأكلت هوا
وقلت يحالي علوا نبقا العمر أنا وانت سوا
ولا نمرض ونروح حكيم ولا يوصفلنا دوا

وبكرا يا بتصيري حجة وانا الحجي ومنخلّف عجيان
وبطلعو كلون عاقلين إلا واحد بطلع سعدان
وبفرط معلاقنا وبفضحنا بالحارة وبتعربش عالحيطان
وببهدلنا قدام الخلق وكل يوم بضرب ولاد الجيران
وانا بقلو يلعن ابوك وانت بتلحقيه بشحاطة
وانا بضربو بالقشاط وانتي حصريه عالبلاطة
وبحرمو من المصروف لا بياخد صحاح ولا فراطة
ولي عليكي وعلى هالخلفة
يقطع عمرك على عمر أهلك بطلت أتجوز !!

[ظميان غدير]

شعر رائع

اللهجة صعبة شوي تحتاج لعمل قاموس على هامش

[ظهيرة مرهف الخاني]

ههههههههههههههههه

ياعيني شو هالشعر ما أحلى

يسلمووووووو فتى الشام