اللي اتربى
في كهف الخوف
لو قال الحق يقولوا مهفوف
وإن نطق يكتم صوته ألوف
مهو رضي يعيش زي ال ....
قايم نايم معلوف
لما اتسرق
كانت الحقيقة ف شالها الصوف
مستنية نور الشمس تقول
وتنوح
ليه لما الدفا فرد جناحه
عشش جواه الخوف
ليه لما الأمل نطق
بعلو صوته
اتخنق من كتر الخوف
قالوا شعب قام وانتفض

ملايين وألوف
لجل مايزرع بذرة
أمل
مكان أشجار الخوف
فاق على حرامي
بيسرق فرحته
ويخون شهيد
لون خدود بهية
بحمرة الفرح
بعد سنين الخوف
قلع شالها ورماه
وداس على إرادة
ألوف
يا نعسة قومي بقى
هدينا جدار الخوف
عتريس أهو في سجن
حراسه عبيد الخوف.