نبضـــــة شـــــــــوق

[شهرزاد]

لساك متعبتش م الفرقه لســـاك متحمل؟
لساك من قلبك بتكابر ومصِر تكمـــــــــل؟
لسااااااك قادر ؟
لسااااااك فاكر؟
لساك ف الدنيا الكدابه عشمان متأمِـــــــل؟
على جرح بينزف بتدارى ووجعك متكمم
إرمى همومك جوه ضلوعى ومكانك أتألم
د أنا منك ياحبيبى ومنك
قلبى ف حبك لساه جاهل وبيتعلـــــــم
والشوق بقا ينبض جوايا شويه شويه رح يتكلـــــــــــم
مشتاق للنظره المكسوفه
مشتاق للكلمه المخطوفه
لما نقرب ولا نسلــــــــــــــم
وعيون العشاق تحكينا
ونجوم السما هتغطينالما هنتلاقى ونتلملــــــــــــم
والشوووق .. بيرج ف أركانى
بيدوى مزلزل وجدانــــــــــــى
وإنشرخ القلب ومن هجرك بقا يتظلـــــم
يافايتنى ف غربه أوطانى
ورامينى ف كوكب حرمانى
ومرافق صبرك ومسلِــــــم
د أنا منك ياحبيبى ومنك
قلب الطفله رح يكبر بكره ويتعلــــــم
رح يكبر بكره ويتعلــــــــم

[ريمه الخاني]

اهلا باولى قصائدك اخيتي
ومستقبلا ولحقوق النشر ربما احتجت للاسم الصريح
محبتي وودي

[ظميان غدير]

نص جميل ورقيق يا شهرزاد

تحيتي
ظميان غدير

[شهرزاد]

نص جميل ورقيق يا شهرزاد

تحيتي
ظميان غدير

شكرا ليك وبشكر مداخلتك الرقيقه
اللى زادت القصيده رونقا

[شهرزاد]

اهلا باولى قصائدك اخيتي
ومستقبلا ولحقوق النشر ربما احتجت للاسم الصريح
محبتي وودي

أهلا بيكى أستاذه ريمه أشكر مرورك الرقيق
أنا إسمى ريحاب

[عبد الرحيم محمود]

الشاعرة شهرزاد الغالية

من الواضح أنك تكتبين بتجربة صادقة ناضجة
وترسمين لنفسك إطارا راقيا من القاموس اللغوي
الراقي ، بطبيعة الحال هذه التجربة الأولى
لكن القصائد التالية أظنها ستكون أكثر إحكاما
في الوزن ، والحقيقة أنني عشت مع كلماتك
وأحببت طريقتك في الكتابة فهي موهبة تامة
التألق / تحيتي .

[شهرزاد]

الشاعرة شهرزاد الغالية

من الواضح أنك تكتبين بتجربة صادقة ناضجة
وترسمين لنفسك إطارا راقيا من القاموس اللغوي
الراقي ، بطبيعة الحال هذه التجربة الأولى
لكن القصائد التالية أظنها ستكون أكثر إحكاما
في الوزن ، والحقيقة أنني عشت مع كلماتك
وأحببت طريقتك في الكتابة فهي موهبة تامة
التألق / تحيتي .

بجد مش عارفه اقول لحضرتك ايه انا بشكرك على الكلام الرقيق
الى شجعنى أكتر ده واتمنى أكون دايما عند حسن ظنك بيا وفعلا القصيده
عن تجربه حقيقيه مريت بيها
واتمنى مرورك الدائم وكلماتك الراقيه وتوجيهاتك الدائمه
سعدت بمرورك
ريحاب