الى أغلى مرأة في الوجود الى حبيبتي زوجتي الغالية ...
رح ذكِّرك شو العيد بالنسبة ألي
وأنتي ألي يا دم جاري بالوريد
يمكن لغيري العيد يبقى مرحلة
لكن أنا كل يوم عندي العيد عيد
حبي لكي مش إيد عم تلمس الايد
حبي لكي قلبين عم يتلامسوا
حبي اندفاع الروح لَ رحوك أكيد
يفيقوا سوى وفينا سوى عم ينعسوا
بحُبك لنفسي وصِلِتْ وبحُبك أنا
عرفت الصلا وشو قيمة ليالي الصلا
عرفت الإله وداخلي محيت الأنا
وبين القمر والشمس صار عندي صِلة
حبك يا موعد فيه نسّاني النهار
ونسيت فيه الليل والوقت انمحى
حبك يا نور ، الشمس طوّاها وصار
نور البدر بالليل من وهجو استحى
يعني أنا بهالعيد بقسملك يمين
حبك حياة لأجلها هان الممات
وعا قد ما حبك بعينيي ثمين
بقلك بآخر سطر من عمري أنا
حبك يا موت انباعت لأجلو الحياة
صباحكم حب ومحبةالشاعر هلال البعيني