قصيدة (تحكي لمين يا شهر زاد) بالعامية المصرية

[هاشم فتحي]

احكي كتير يا شهر زاد
كل الحكايا.....
بتبتدي من غير ميعاد
ولا حد واقف للزمن
يمسك سنين
يحسب ثواني غربته
حلمه اتولد في تربته
والفرح خايف م الحداد
يوم الخميس قبل اللي فات
بصيت على ولاد البلد
اطفال بتجري ف سكتي
ما لهاش عدد
وعجوز بتعبر كل شارع
خايفه من صوت الخفير
وبتسال الناس الفتات
شايله الهموم بين العيون
تبكي وتشكي للزمن
زوجها اللي مات
عدت سنين
ودخلت شارعنا اللي فات
يوم التلات
ولقيت ملامح خوف
وحبة ذكريات
مكتوب على الحيطة البعييده كلمتين
الصبر مفتاح الفرج
واللي انكتب يا عين .....
وحاجات كتيره بتختفي
وتموت يا عين بين العنين
نفس العجوز وولادها
بيمدو الايدين
نفس البلابل
كل طير واقف حزين
ولكل شارع ناصيتين
ناصيه تلم المحرومين
والتانية فيها شيخ بلدنا
والثكالى جنب منه مطروحين
تحكي لمين يا شهر زاد
لون المنى كان لون رماد
وانا كنت واقف من زمان
والحلم واقف في المزاد
برمي السلام
على كل سكان القبور
وف كل عام يوم العبور
امسك قلم
واكتب سطور
ما لها القبور
مكتوب عليها الف كلمة
مرسوم عليها مية سكون
والعتمه تخطف كل نور
ما لها السطور؟؟
ليه كل سطر بينتحر
بين المآسي والسرور
واتمرغت كل الحروف
تحكي لمين يا شهر زاد
ونجيب منين الناس
وكل الناس بتهرب م الكلام
وتعيش كتير تحلم بتاكل ف الرغيف
واتبعثرت احلام
عرق الجبين فوق العنين
واقف حجر
وعيون بيقتلها السواد
ومآسي اقوى م البشر
علشان عيونك يا وطن
لازم نكافح في البلاد
ونطفي في ترابك شموع
دانت الامل
لفيت بلاد الله
وعديت البحار
ولقيت هناك طعم الحياه طعم المرار
قالوا الفلوس يا بن الحلال
قلت الوطن
وسمعت ضحكه من بعيد
وصرخه بتهز الجدار
قال لي انت فاكر يا ولد
قطر الصعيد
وسفينة الموت"السلام"
وكمان نسيت حجر الدويقه
واختفت ليه الحقيقه
يا عم سمعني السلام
ولسه بتقولي الوطن
دا الصمت احسن م الكلام
ياما ناس بيقتلها السكوت
وناس بيحبسها الكلام
حتى المراكب في عيون النيل بتحلم بالامان
والنخل واقف من زمان
شاهد على ولاد الحرام
ما تقولي ايه معنى الوطن؟
حرفين تلاته ولا حفنه من تراب
ومدينه تايهه من سنين
في سكة الحلم السراب
فيها الشوارع والبيوت
والركام حتى الخراب
وجبال تموت فوق الدويقه
والبشر تحت التراب
ما تقولي ايه معنى الوطن؟
حرفين تلاته ولا زنزانة هوان
كل الشوارع والدروب
صورة عنابر في الليمان
وكمين في آخر كل حاره
وكمين هناك في المزلقان
اوعاك تعدي وف ضميرك
كلمه اكبر م السكوت
نظره اهون من بيوت العنكبوت
حلم اكبر من رغيف العيش
وحبة برتقان
هتروح في عين الشمس
ولا حد يعرفلك مكان
بصيت لقتني جنب مني شهرزاد
وعيوني تاهت في بلاد السندباد
قالت خلاص يا بن الحلال
انا قلت بكره فيه جديد
قالت محال
قلت الامل
قالت خيال
بكره نشوف يا شهر زاد
قالت سلام
ابو خلاد هشام فتحي

احكي كتير يا شهر زاد
كل الحكايا.....
بتبتدي من غير ميعاد
ولا حد واقف للزمن
يمسك سنين
يحسب ثواني غربته
حلمه اتولد في تربته
والفرح خايف م الحداد
يوم الخميس قبل اللي فات
بصيت على ولاد البلد
اطفال بتجري ف سكتي
ما لهاش عدد
وعجوز بتعبر كل شارع
خايفه من صوت الخفير
وبتسال الناس الفتات
شايله الهموم بين العيون
تبكي وتشكي للزمن
زوجها اللي مات
عدت سنين
ودخلت شارعنا اللي فات
يوم التلات
ولقيت ملامح خوف
وحبة ذكريات
مكتوب على الحيطة البعييده كلمتين
الصبر مفتاح الفرج
واللي انكتب يا عين .....
وحاجات كتيره بتختفي
وتموت يا عين بين العنين
نفس العجوز وولادها
بيمدو الايدين
نفس البلابل
كل طير واقف حزين
ولكل شارع ناصيتين
ناصيه تلم المحرومين
والتانية فيها شيخ بلدنا
والثكالى جنب منه مطروحين
تحكي لمين يا شهر زاد
لون المنى كان لون رماد
وانا كنت واقف من زمان
والحلم واقف في المزاد
برمي السلام
على كل سكان القبور
وف كل عام يوم العبور
امسك قلم
واكتب سطور
ما لها القبور
مكتوب عليها الف كلمة
مرسوم عليها مية سكون
والعتمه تخطف كل نور
ما لها السطور؟؟
ليه كل سطر بينتحر
بين المآسي والسرور
واتمرغت كل الحروف
تحكي لمين يا شهر زاد
ونجيب منين الناس
وكل الناس بتهرب م الكلام
وتعيش كتير تحلم بتاكل ف الرغيف
واتبعثرت احلام
ومآسي عرق الجبين فوق العنينواقف حجر
وعيون بيقتلها السواد
اقوى م البشر
علشان عيونك يا وطن
لازم نكافح في البلاد
ونطفي في ترابك شموع
دانت الامل
لفيت بلاد الله
وعديت البحار
ولقيت هناك طعم الحياه طعم المرار
قالوا الفلوس يا بن الحلال
قلت الوطن
وسمعت ضحكه من بعيد
وصرخه بتهز الجدار
قال لي انت فاكر يا ولد
قطر الصعيد
وسفينة الموت"السلام"
وكمان نسيت حجر الدويقه
واختفت ليه الحقيقه
يا عم سمعني السلام
ولسه بتقولي الوطن
دا الصمت احسن م الكلام
ياما ناس بيقتلها السكوت
وناس بيحبسها الكلام
حتى المراكب في عيون النيل بتحلم بالامان
والنخل واقف من زمان
شاهد على ولاد الحرام
ما تقولي ايه معنى الوطن؟
حرفين تلاته ولا حفنه من تراب
ومدينه تايهه من سنين
في سكة الحلم السراب
فيها الشوارع والبيوت
والركام حتى الخراب
وجبال تموت فوق الدويقه
والبشر تحت التراب
ما تقولي ايه معنى الوطن؟
حرفين تلاته ولا زنزانة هوان
كل الشوارع والدروب
صورة عنابر في الليمان
وكمين في آخر كل حاره
وكمين هناك في المزلقان
اوعاك تعدي وف ضميرك
كلمه اكبر م السكوت
نظره اهون من بيوت العنكبوت
حلم اكبر من رغيف العيش
وحبة برتقان
هتروح في عين الشمس
ولا حد يعرفلك مكان
بصيت لقتني جنب مني شهرزاد
وعيوني تاهت في بلاد السندباد
قالت خلاص يا بن الحلال
انا قلت بكره فيه جديد
قالت محال
قلت الامل
قالت خيال
بكره نشوف يا شهر زاد
قالت سلام
ابو خلاد هشام فتحي

[ظميان غدير]

هشام فتحي

قصيدة جميلة ورائعة جدا

شكرا لك

وتنقل لقسم الشعر الشبعي

تحيتي

ظميان غدير

[ريمه الخاني]

مالنا ننتظر فيض حروفك فاهلا وسهلا بك من جديد

[علي جاسم]

السلام عليكم

نعم مكانها الطبيعي هنا في قسم الشعر الشعبي

وقصيدة جميلة فعلاً فيها كم من الأحاسيس العذبة

تقديري