نحن والأعراس

**أبو يحيى** · 01-14-2010, 06:19 AM

الأعراس الفلسطينية

طبعا لازم قاعة ...

مو مهم

بفندق بنادي بالشارع

المهم قاعة...

وطبعا
بيبدأ العرس بس نسوان ... وكل البنات لابسين أحمر أو دهبي وفضي ....

وخمسين أم بتلف عالطاولات عم تدور على عروس لابنها...

واذا ما لقت لابنها عروس بالعرس بس تروح عالبيت بتحضر فيديو العرس كمان مرة ومرتين وعشرة مشان تتأكد انو ما نسيت شي بنت متخبية تحت الكرسي ما شافتها

والعروس الله لا يورجيك شو عامل فيها الصالون ...

شوي بتقلب مهرج .....
وفجأة بيدخل العريس وأبوه وأخواته واولاد عمه
واولاد خاله وكم واحد من
اصحابه الصيع ... وكلهم لابسين بدلات الشغل .

وهات اللي يطلعهم لآخر العرس...
----------------------

الأعراس اللبنانية :

ألف بنت وخمسين شاب .... ونص الشباب
سكرانة ...

الشباب بدل من دون ربطة ....
والقميص مفتوح وسلسال ذهب ....
والعروس أكتر وحدة بترقص بالعرس...

العريس بيرقص مع صاحبته.... والعروس مع أخوه
وإم العروس مع خاله ... والحياة حلوة ...
----------------------

الأعراس السورية :

العرس صغير.على الأقل200 شخص لأنه ما لحقوا وعاملينها عالديق لا تواخزونا...
وطبعا كل العرس شباب وصبايا ...وعلى كيفك
الجينز .... والبنات اللي بكونوا شادين الهمة بالرقص هنن من طرف العريس .....تارة من أهله

وتارة صاحباته...
البوفيه عالقد ... ولازم سيارة الزفة بي ام...

ومن أول العرس لآخره دبكة علوش ..

--------------------------

أعراس الأردنيين :

خمسين طاولة ... كل طاولة عليها خمس رجال ... المنسف والذبيحة قدامهم.....

غير الطخ الشغال على ابو جنب ...

يعني ما بيهدى بالهم الا بس يذبحولهم حدا ...

مشان بعد العرس ما يمللوا .....

يعني بصير في عطوة او جاهة او شي مشان ياكلولهم فيه لقمة منسف ثانية

-------------------------

أعراس الامارات :
عرس الرجال متل العزا بالأردن
بس الفرق انه في واحد لابس بشت مستعيرة ..... وطبعا الكل صايم يومين مشان العشا ..

عرس الحريم شبيه الحفلات التنكرية اللي منشوفها عالتلفزيون ......
وطبعا لو نزلت مطر عليهم بتصير الأرض كلها ألوان الطيف ....

========

أعراس المصريين:

من اولها لآخرها وما بتسمعش غير الزلاغيط وعقبالك يا فاروووق،

والله يخليك يا معلم
......

وكانت عم تصير إما

بنادي الماء والكهرباء

او النادي السياحي ... وبس لما سكروهم

عزف المصريون عن الزواج ...

-------------------------

أعراس السعوديين :

خيمة كبييييييييييييرة او قاعة كبييييييييييييييييييييرة ... فيها ألف واحد لابسين بشت .... وكل واحد شايل سيف ومفكر حاله

نمر بن عدوان
وبعد هيك بتبدا الحرب

مع الرز واللحمة
والله لا يورجيك
الدم للكوع - عفوا الزيت للركب

------------------------

اعراس السودانييين:

العريس نايم ، والعروسة نايمة ، والمعازيم نايمين ..، والنور مطفي ..والحياة ظلمة ، ولما يصحوا بخلص العرس ...

**ريمه الخاني** · 02-02-2010, 02:08 PM

ههه روعة
شكرا ايو يحيى

الموضوع: نحن والأعراس

أدوات الموضوع

بحث في الموضوع

عرض

نحن والأعراس

رد: نحن والأعراس

ضوابط المشاركة