أمي عطيني ركبتك

[فردوس النجار]

أمي عطيني ركبتك
أمي عطيني ..
ركبتِكْ أتوسّدا.
ومرِّي ع خَّدي ..
هالإيدين البعبدا . دخلِك يا إمي ..
اشتقت ابكي ..
واشتكي.
خَلِّصْتْ صبر الأرض .. وتمادى الحكي.
* * *
كلُّن حكوا ..
عن نعمة وُصالِكْ.
كلُّن يا إمّي ..
طـَفْطـَفُوا بشالِكْ.
يا ريحة ..
مغزولي .. مع شوية حبق.
يا نغمة الأوتار ..
يا أحلى نبأ. يا مَسْكَني لَمّن قْلْتْ ..
ماما. يا سرير فيي ..
بيلعب الضاما. يا حب ما بيملّ ..
يا دفا ما بيفلّ.
يا روح قلبي ..
يا حنان العُمْرْ.
مع كل طلعة شمس ..
إيدِكْ غُمْرْ .
بْتْلبِّس الدنيي .. شتي ..
وبتمُرْ.
كل طيـبي ... تـْعمّرا بالسّرْ.
وتـَْتـَوِّه العتمي بقلبي ..
تشيل كل القهر. فيكي التلاقي ...
وعندك اللمِّي.
وكل عام وأنتِ بخير يا أمي

[ظميان غدير]

قصيدة رائعة للأم
تحيتي لك
ظميان غدير

[كاظم الفضلي]

هنيئاً للأم وطوبى لهذا الحب الأزلي
سلمت يداكِ أختنا الشاعرة المبدعة
فردوس النجار .

كاظم الفضلي

[مصطفى السنجاري]

بوح ينثال عذوبة تستحقه الأم

تقديري شاعرتنا القديرة

دمت مبدعة