قالوا لي الناس ايها الشاعر نريد نسئل سؤال
تقلنا من يا ترا بالكون هن اجمل بنات
فقلت انا كل البنات في الكون هن ملكات جمال
لكنني باقول اجملهن هن الصنعانيات
لانهن حاز ين على أعلى شهادات الكمال
والمركز الاول بحسن الخلق ايضا والصفات
فالذوق فيهن والحلا والغنج زايد والدلال
والطيب والرقة بهن وايضا فهن متعلمات
فما رات عيني لهن كلا في الدنيا مثال
فالواحدة بجمالها من النساء تسوى مئات
لانها متميزه اذا بدت بين النساء في احتفال
من الجمال اللي بها ما عد نشوف الباقيات
وان مشت من شافها يقول من هذا الغزال
اللي قوامه والحلا خلى عيوني ساهرات
بنات صنعاء كلهن غزلان عاشين بالجبال
وفي المدينة ان مشين مثل الخيول الصافنات
كاللؤلؤ المكنون هن تحت العبي متخبيات
اما البياض الي بهن انصع من الاوروبيات
يوه والحلا ما احلا حكاهن يعجبوا فيه الرجال
ان سمعة الواحد يقول صنعانية من مات مات
ياليت من له بنت من صنعاء في الدنيا حلال
يعيش معها في هناء دايم واحلى امسيات
فاللهجة الصنعانية نغمة تر يح كل بال
ما مثلها لهجة في الدنيا ولا كل اللغات
صنعاء حوت كل الفنون والفن فيها مايزال
والا اسمعوا كم هم بيتغنوا بهن من اغنيات
هذا جوابي والرجاء لاتزعلوا من ذا المقال
فما انا قصدي اقلل من جمال الاخريات
لانهن طبعا جميلات كلهن ماشي مجال
لكنني با اقول اجملهن هن الصنعانيات