نقيق الضفادع .. وَرَّقْ وَرَّقْ.. شاعر عراقي

[الحمداني]

نقيق الضفادع .. وَرَّقْ وَرَّقْ.. شاعر عراقي



لأول مرة ننشر هذة القصيده

نقيق الضفادع .. وَرَّقْ وَرَّقْ.. شاعر عراقي

كومت أوراق بحياتك
ورقه ضحكه ورقه آه, ورقه دمعه
باقي الأوراق مليانه نقيق
وين متمشي ضفادع كلها تصرخ بالنقيق
وين ماتمشي ضفادع دوم تصرخ بالنقيق
ورق .. ورق .. قيق .

روح بأرقى مكان وأرقى شارع
وأرجع لأدني مكان وأدنى شارع
شوف حد الشوف مليانه ضفادع دوم تصرخ بالنقيق
ورق . ورق .. قيق
ليش ياشعب الحضاره
ليش ياشعب العريق
ليش ياشعب الكرامه
أحنا علمنا الأمم فن الكتابه ليش طالبنا خاصم كتابه
وابد مايقلقه أمتحان ؟
وما يراجع تحيطه كومة ضفادع ك
لها تصرخ بالنقيق
ورق ورق ..قيق

حتى رب العرش جلّ في علاه
كان اذا يغضب على أمه يذبهَ
بسيل جارف ..
.بركان
بزوابع ..
هسه لو رب العرش يغضب عليك !
يحط عريضه بين أيديك ...!!وتصبح مراجع
وين ماتمشي ضفادع كلها تصرخ بالنقيق
ورق ورق .. قيق

مره تجنديني رادو ّ كنيتي وموقف الخدمه
قدمت أوراقي مستمسكاتي
شاب حيل مداري هدمه
الله يسلمه
نظر هندامي والمنطق
.زين ماخجل من كلي ورق!!
وك....!!. شورق وك...!! شورق ..

ورقت سنيني بتراب المواضع
وهذا راسي اللي تشوفه تمشط بكل الشظايا
وماحلم يوم بعطايا
ياسرية المقر يامقر السريه
ياعذاب ايامي ياليل المواضع يابرد الشمال
ياجبال *كردمند *كردزور*
يكلي ورق
*يانهر جاسم تعال يكلي ورق
أيه يا أرض الحرام ... موحرام هذا وأمثاله
كفر يشم بشهيق
وويه حرف القاف في كلمة شهيق
رد لي صوته لهذا يكلي
ورق ورق ..قيق

ياخوفي وأنا أحب جاي الكهاوي
وخاف من أطلب جاي بمقهى *الزهاوي
يحجي تمثال *الرصافي يدكلي جتفي
يكلي خاصمتك وآني ندمان على اليوم العرفتك ردت تقاوم وما تورق
...لاتورق لاتورق
شاعر عراقي ****جبال كردمند كردزور من الجبال العاليه في شمال العراق قامت على حدودها اقوى معارك التحرير
****نهر جاسم في محافظة البصرة نهر صغير قامت عليه اقوى معارك التحرير في القادسيه الثانيه
كذلك
تحيه لكريم فرحان

حسين يعقوب الحمداني

[ريمه الخاني]

الشعر الشعبي العراقي له رنين مختلف ولافت.ممتنة لك نشرها وسلمت يداك.

[الحمداني]

شكر لردكم وحضوركم الأستاذه ريمه الخاني يسبقنا الأستاذ الضليع كاظم الفضلي

[كاظم الفضلي]

الأخ الغالي الشاعر المبدع حسين الحمداني .. قصيدة جميلة
بتفاصيلها واحداثها وبنائها . فقد حاكيت تأريخاً لا تشبهه الأحداث
في زمن أو عصور كما وقف العراق . لكن سيكون العراق كما
كان بعودة ميمونة وهمة النشامى وعطاء المبدعين . تحيتي لك

[الحمداني]

الف الف شكر استاذ كاظم الحقيقه اشعر رغم صعوية ذلك التاريخ لكنه كان احمل وفيه شخصيه عربيه عراقيه أكثر معرفه وقوه