اكـبـر قـهــر

[ذيبان]

اكـبـر قـهــر

اكبر قهر لآ جيت تعشق لـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنيانـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهي على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ماكان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك !!

وإن كنت فيما قلت مخطي وغلطـان !!
أترك خطانا وأنـت عطنـا صوابـك
__________________

ذيبان

[ريمه الخاني]

السلام عليكم
اكبرقهر تخرج من الدنيا خسران
والآخرة فاتحة لك ابوابك
وأكبر قهر تتذكر خيانة الاصحاب
وتنسى رب رحيم يدور توابك
**********
وصح لسانك

[ظميان غدير]

قصيدة غزيرة الحكمة رائعة الصور
وبليغة المعاني

اصبت الهدف يا ذيبان
تسلم وصح لسانك

[كاظم الفضلي]

الأخ ذيبان .. توقعتك مهموماً بعشق الحبيبة
ولكن وجدتك واعضاً وخطاب حكمة ومرشداً
من خلال قصيدة رائعة تحمل ارقى المعاني .
جميلة جداً . تحيتي .

كاظم الفضلي

[الحلم القاتل]

صح لسانك وننتظر الكثير من طيب الكلام
محسن