:::: ( الحمد لله يا عبد الرحمن )::::

[فريد عبدالعزيز]

الحمد لله يا عبد الرحمن

شوف النهاردة كام رمضان

وبعون الله وتوفيقه

ختمت يا عمنا القران

دا شهر بركة وخير بصحيح

جميل فى سهره وصومه مريح

بصراحة مش قادر اوصفلك

المتعة فى صلاة التروايح

والجو وقت صلاة الفجر

تقولشى يا بنى ليلة القدر

والناس ملايكة ما شاء الله

ع الأرض ماشية وطول الشهر

فوانيس وزينة ونور والع

فى الحارة والبيت والشارع

وناس كتيرة مبتصليش

بقيت أشوفهم فى الجامع

واخوك خلاص كل الأوقات

مبقاش يفرط فى الصلوات

الخمسة يابو سامية جماعة

دا شهر أصلا للعبادات

[ريمه الخاني]

كلامك ميه الميه
روح حلوة وهنيه
يارب مقبول
ونوصل للدنيا العليه
واهلا بك شاعرنا

[رغد قصاب]

اول مرة امر من هنا
للشعبي مذاقه الخاص
وفقك الله رائع
زهرة

[فريد عبدالعزيز]

الاديبة أم فراس

و زهرة التوليب

شكرا لمروركم الجميل

رمضان كريم وكل عام وانتم بخير

[محمود الديدامونى]

جمال كلامك خلانى
أعود لقدك من تانى
كلام جميل كله معانى
جزاك ربى عليه حسنات
سبحانه عالم باللى بى
دارى بيك وداريبى
أدعوه فى صبحى ومغاريبى
يغفر لنا كل الزلات
شاعرة جميلة لا شك
لك تحياتى
أنتظر جديدك

[فريد عبدالعزيز]

جمال كلامك خلانى
أعود لقدك من تانى
كلام جميل كله معانى
جزاك ربى عليه حسنات
سبحانه عالم باللى بى
دارى بيك وداريبى
أدعوه فى صبحى ومغاريبى
يغفر لنا كل الزلات
شاعرة جميلة لا شك
لك تحياتى
أنتظر جديدك

الاستاذ / محمود الديدامونى

ربنا يكرمك على كلامك الجميل ويتقبل دعوتك

محبتى