طقم اسنان العمده

[يسري راغب شراب]

العمده
--------------------
ضحك وهو يسمع العمدة ساخرا من شيبته وكبر سنه في خلاف على حب الاثنين معا لفتاة في مثل سن ابنته وقال
طقم اسنانك ياعمده ماركة ايه ان شاء الله
والعمده يتململ ويعدل نفسه في جلسته ويقول
انا طقم اسناني خلقة ربنا اصلي ما فيش منه صناعي
وقلت له هازئا
يعني انا اللي طقم اسناني معدني ما هو عاج طبيعي وبالذهب عيار اربعه وعشرين والا الحكايه بس عموديه حتى في الاسنان
العمده ينتفخ وتزغلل عيونه ويقول
انت مش قدها يا افندي ولا عشره زيك انا عارفها
وقلت له
جرى ايه ياعمده دي انا اللي ربيتها وعندك جبتها زي بنتك مش تكسر ظهري وتاخدها مني وفي حضنك تودها وهي بنت حضني انا
العمده يرد واثقا
خلاص ياسيدي نسالها وهي ترد لك الجواب اما عن تربيتك لها نديك مخاسرك كلها ويادار ما دخلك شر
واقول له
ياعمده بلاش افترا ما تبقاش كده سيبني اوصلها للي في سنها
يلولح العمده جسمه ويطوطح في خلقته ويقول
انا سالتها وقالت لي موافقه على جلبابي وعمتي قبل عموديتي بس انت اطلع منها وهي تعمر والعشر فدادين اللي في البر الغربي كتبتهم لها ولا عشر شبان يجيبوا لها زيهم والا انت كرهان الخير لها دي وحدانيه وما يسترهاش الا ملكها وانا حا احقق لها كل اللي تتمناه ويرضي ودها
غمغمت ولعنت وشتمت وقلت
بئس العمدة كنت انت وثقت باخلاقك وطلعت انجس من ذيل الكلب
ووقفت خارجا
وهو يضحك في قفاي قائلا
ماتنساش تركب لك طقم اسنان موديل 2011 عشان السنه خلصت خلاص واسنانك ما عدش لهم لازمه يا محتاس
لم التفت اليه وبصقت على الارض التي تحت قدمي وباسمه مسجله
والله يلعنه عمده يبيع ويشتري في الناس ولا يردعه الا ربنا

[يسري راغب شراب]

بنت العشرين
---------------
الحقوني اغيثوني
صرخت من قلبها وعلو حسها
وانتفضت المها وادافع عنها واضرب اللي عايز يغتصب حقها
دمعت عيونها لما اخذتها
وقالت لي ربنا يخليك
طيب انت مين وجايه منين ورايحه فين
انا وحدانيه وماليش حد000 والكل طمعان في 000 باهرب من بلد لبلد
يعني مالكيش لا اهل ولا بيت
لي ربنا
خلاص انت حتبقي بنتي واللي يتعرض لك حا اخنقه
حلوه البنت
عسلها في عينيها وفي وشها
وشهدها صوتها ومسكها قلبها
وكل حكايتها انها حلوه
زي ما بيقول المثل عندنا / زي فلقة القمر
كل عواجيز البلد بعد كام شهر صاروا يبصبصوا لها
وهي مغناج وانا عايز المها
وكل ما اعاتبها تبكي وتقول والله ما انا 00دول هم المسخره
اروح هناك الاقي شيخ الجامع يقول بسبحته / ما شاء الله ماشاء الله
اروح يمين يقابلني شيخ البلد الاقيه يقولي / اطلق الاربعه واتجوزك
اسيبه واجري الاقي شيخ الغفر في وشي يقوللي وهو ماسك شنباته :-
اقتل عشره واحبس ميه بس انت توافقي وتؤمري و اقتل العمده لو اعترض
وقلت لها ساخرا :-
ما بقاش غير العمده من كبارات البلد يا ست الحسن والدلال
فنظرت بعينين نائمتين قائله بخفر :-
وانت بتقول فيها 00ده العمده شافني ماشيه جنب الدوار 00وقعد يرجرج كرشه 00وشفايفه يمدها ويقصرها 00وهو يسالني بنت مين ومنين 00من دواري والا دوار الكفر اللي جنبنا 00قولي وانطقي 00وانا املكك نواحينا دي كلها
واول ما اتكلمت لقيته عرق واتنفض ووقع
خدت بايده عشان اريحه وقلت له / انك زي ابويا وكلمتك كلمتي
وذهب استغرابي كله لما استدعاني العمده وطلب مني الموافقه على زواجه منها
اقول له:-
دي بنت عشرين وانت ابن الخمسين
وهو يرد علي بعنجهيه
مالكش دعوه بس انت خليم بعيد وهي تعمر
ولسه باقوله واقولها:-
هي العشر فدادين تمليك وطقم اسنانه الذهب حتخليه واد زي القمر
يا بنت العشرين ما تفرطيش في مستقبلك عشان راجل اسنانه كلها صناعة جواهرجي نسي ربنا كنت فاكره تقي ونقي طلع مسخره
قلت لها ومن جوه قلبي حبيتها :-
هو انا ماليش خاطر عندك 00 وانا زيهم 00
والا جت علي بس اللي طقم اسناني خسر وانكسر
كلهم طقم اسنانهم قبلي اتكسر
اسمعي كلامي وارجعي لحضني انا
اه يا بنت العشرين
لما يبقى حبايبك ولاد الايه في الخمسين
ربنا يحميك ويسترك

[ريمه الخاني]

حكايات من صميم الواقع المعاش المؤلم..
تحيتي لك اديبنا المميز واهلا بعودتك إلينا من جديد

[محمد مناف الخاني]

قصص واقعي تتحدث عن بيئتها
لك الف تحية أستاذ يسري
مناف

[يسري راغب شراب]

الاستاذه ريم الموقره
احترامي
القضية ليست العمده
القضيه هي
اصحاب المناصب
الاثرياء
والذين يستغلون مناصبهم وثرواتهم ليعيشوا حياة المراهقين والمراهقات
والطريف هنا
او الساخر
ان العواجيز يتهمون بعضهم بالعجز
هنا المفارقه
ان كبار السن في خلافهم على الصغيره يدعي كل منهم ان الاخر عجوز عليها
تلك المفارقه التي انتشرت في عصر تبحث فيه الصغيرات ايضا عن زوج ثري
ودمت سالمة منعمه وغانمه مكرمه

[يسري راغب شراب]

الاستاذ مناف الموقر
احترامي
الواقع والخيال يتلامسان في عالم الانترنت
والمدمن للنت يعيش حياته واقعا خلف الجهاز
هنا لا تعرف عمرا لاحد
تلتقي الاعمار بمقياس الكلام
قد يبدو الشاب عجوزا بمفرداته
وقد يبدو العجوز شابا بمفرداته
المساله فضلا عن كونها اخلاقيه هي بلاغيه
ينتشر في عالم المنتديات الادبية
ان تلجا بعض المبندئات في الادب الى كبار الادباء لتلمس طريق الاجاده والابداع
ومن هنا ترسم علاقات ايضا على ارض الخيال تحت واقع اسمه النت
عادة كبار الادباء من العواجيز
وعادة المبتدئات من الصغيرات اللائي لم يبلغن الثلاثين
تتوه الحقائق
وتحدث نزاعات على النت بين عواجيز الادب على صغيرات الادب
تلك مفارقة اخرى
هنا العمده رمز لكل هؤلاء
قد يكون صاحب موقع او يكون كاتب واديب له انتشاره

ودمت سالما منعما وغانما مكرما

[ظميان غدير]

شكرا لك يا استاذ يسري شراب
على هذه المقالة الساخرة التي كان مضمونها جادا ومؤلما عكس السخرية والضحك الظاهري

تحيتي

[يسري راغب شراب]

اخي الغالي
الاستاذ ظميان غدير الراقي
تحياتي
الحكايه ان الكل كان يقاتل من اجل الاستيلاء على هذه الفاتنه
وهي كانت سعيدة بهذا التراشق
العمده المتسلط لم يعترف انه عجوز لانه مركب طقم اسنان من ذهب
اما الافندي اللي رعى وربى فلم يركب طقم اسنان
هنا طقم الاسنان هو المشكله
الكل عواجيز
والكل يتحدثون عن طقم الاسنان
والقوي هو الذي يثبت انه لايملك الا اسنان قوية طبيعية
للاسف
تلك لغة القوة
احيانا يكون طقم الاسنان لعمدة في منتدى وعجوز خرف
ويتهكم على العواجيز لكونه عمدة منتداه
ومن سيقول للعمده انت مالكش اسنان
تلك لغة الاستقواء
ودمت سالما منعما وغانما مكرما