تذاكر --تذاكر --مشعايزين حد يزوغ هنا اتوبيس محترم فاهمين --خش يا اسطى العدد كمل --السواق/ العدد فى اللمون --الكمسرى/ تذاكر يا هانم --خد شيل العيل على ما اطلعلك الفلوس --الكمسرى / دى اللى ناقصه --راكب/ ومالو زى والدتك هاتى يا ستى عنك العيل --الهانم/ ربنا يسترك يا بنى --راكب لاخر/ انشالله يبقى كيلو السكر بعشره جنيه عشان الناس تفوق اوف ايه الغلب ده --السواق / والله ما نتم فاهمين حاجه --يدخل بائع/ بيبس حاجه ساقعه --طفل لامه/ عايز بيبس يا ماما --الام/ خد ياعم هات واحده لعيد --البائع/عنيه لعيد ولام عيد--راكب /وسع شويه لو سمحت اعدى ممكن --الاخر/ رايح فين مانت شايف الاتوبيس زحمه والدنيا حر --الراكب /ياسيدى ارحمنى ووسع --الكمسرى/ اللى نازل الف مسكن --راكب لاخر/ هيه لسه الف مسن ما زادتش يضحكون --تركب امراه بدينه--وسع يا بيه وسعى يا ختى --الله راحه فين هو فيه مكان --البدينه/ انت مالك ياسمج--رجل فى الاربعين بشارب طويل/ هو فيه احلى من كده الدهن فى العتاقى --يضحك البعض --السائق/ وسعولها خلوها تعدى --راكب/ تعالى مكانى يا قمر --البدينه/ ربنا يسترك --القمر منين--البدينه/ احنا هننكت --اخر الاتوبيس اثنان فى ريعان الشباب/ انتى عارفه يا روحى انى بحبك ومقدرشى استغنى عنك --الانسه/ امال مشعايز تسمع كلام امى ليه--الشاب/ هو انا هتجوزك ولا هتجوز امك --الانسه/لازم تجهز الشقه بسرعه--الشاب/ منين --الانسه/ خلاص انت حر --الكمسرى/ تذاكر اللى طلع يدفع --على يمين الاتوبيساثنان/ الاول/احنا النهارده فى بلد حر وفيه حريه ووعى -الثانى/ وعى مين ياعم ده كله تمثيل --الاول/ لا الانتخابات هتكون نزيهه --السائق من على بعد /نزيهه دى دى تبقى امى هههه--يدخل بائع--رمضان كريم الفوانيس الحلوه بخمسه جنيه --طفل لامه/ عايز فانوس بيتكلم بيغنى وحوى مليش دعوه ويتنطط--الام/ حاضر يا عبده بس اوعى تكسره --البائع/ اجيب يا مدام --الام باستسلام/هات يا اخويا --الطفل يشغله ويغنى معاه وحوى يا وحوى الام/ مبسوط يا عبده وعبده يضحك ويغنى --راكب لاخر --الا ايه اصل كلمه وحوى دى يا باشا --الاخر/انا عارف اظاهر كلمه فرعونيه --اثنان فى اخر الاتوبيس-- لا مشممكن البلد فى حراك سياسى ما لوش نظير --الثانى/ احنا عايزين ايه نفسنا فى التغيير --راكب واقف ومتشعلق /موت يا حمار الركاب يضحكون--راكب شاب يمسك كتاب/ عارفه يا نوال انا اول مره احس بالسعاده احنا بنكافح سوى الاتوبيس اول الكفاح --نوال صامته --الشاب/الحب الحقيقى يا نوال لازم من التعب والتضحيه --نوال/ ما انت مشعايز تركب تاكسى --الشاب/ التاكسى ده رفاهيه لازم من المعاناه عشان نحس بطعم الحب فاهمه يا نوال نوال/ اللى انت شايفه يبتسم---فى اخر الاتوبيس/قلت ايه هتخلص الشقه امتى ماما كده هتزعل --الشاب/ يعنى اضرب الارض اطلع شقه --الفتاه/ اتصرف والا هتتفركش الجوازه --الشاب/ يعنى ايه الفتاه/ تنهار اتصرف--الكمسرى/ العتبه حد نازل ---المراه البدينه/ تسمح يا خويا تعرفنى لما يجى باب الحديد الاخر/حاضر يا هانم تغط فى نوم عميق---على يمين الاتوبيس/خلى بالك يا روحى هو ده الحب ان احنا نعانى سولى حتى فى المواصلات --الفتاه/ يا سلام الشاب/ طبعا ده الذ شىء فى الحب المعاناه --عارفه يا نوال الحب ده اجمل شىء فى الدنيا --نوال/ بس لازم يكون فيه هدف واخرته ايه --الشاب/ طبعا لازم لازم نتجوز يا نوال --نوال/ انت شايف كده --الشاب /طبعا---يدخل بائع فجاه--علاج السحر بالقران ينظر لنوال /متصدقوش الكلام المعسول يا فتيات من الشباب الطايش --عشان متقعوش فى الرزيله --الشاب يتلعثم وتنظر له نوال بسخريه --باب الحديد يا هانم اصحى --البدينه/ حاضر انا صاحيه لو سمحتم وسعو للبلدوزر الجميع يضحكون -----على اليسار المراه لابنها/خلاص يا اسامه قربنا نوصل للدكتور --اسامه/ يا ماما انا عيان --الام/ هتخف يا حبيبى وترجع زى الاول منه لله ابوك سايبنى اتبهدل فى الزحمه دى --الولد ينام على قدم امه باكيا --الكمسرى / رمسيس حد نازل --راكب لاخر/ عارف يا سعد لازم يكون فيه ثوره فى البلد دى --الاخر/ طبعا ثوره ثقافيه --انت شايف فيفى عبده بتعمل ايه --راكب واقف ينظر للجريده/ اه يا سلام عليها هز وسط تشيب --راكب جالس/ ما هو ده اللى مضيعنا ومضيع حالنا يا ناس حسوا على دمكم بقى --الراكب اللى واقف/ وانت مالك هو حد وجهلك كلام --السائق من على بعد/البت روبى دى احلى من فيفى عبده --الجميع يضحكون --الكمسرى/ حد نازل غمره --تذاكر مين اللى ما دفعش --اخر الاتوبيس/ لازم تتصرف يا مدحت ماما زعلانه --مدحت/ ربنا يسهل الشقه امرها سهل اهم حاجه حبك --بتحبينى ولا لا --الفتاه/ الكلام ده مشهنا --راكب لاخر/ البرادعى ده نازل الانتخابات بتقله-الاخر/ سيبك انت مش هيشوفها دى عزبه مش بلد الاخر/ لا انا حاسس ان العمليه المره دى فيها حاجه --راكب من الجانب الاخر/ العمليه دى فيها فيل --الام لابنها/ مالك يا اسامه الولد/ بطنى بتوجعنى الام/ معلش قربنا نوصل --تنادى والنبى يا بنى فاضل كتير على حلوان الراكب/ هانت --فتاه جميله تحاول ان تركب/ لو سمحتم ممكن اعدى --رجل واقف/ قعدوا البنت عيب كده --واحد يقوم وتقعد الفتاه --رجل يتحرك ويقف فى وجه الفتاه-الراكب/ الناس معدشى عندها نظر --تنظر له بسخريه --يستمر/كلنا عندنا اخوات بنات --يا ساتر --ينظر لها مبتسما/ تسمحى تشيلى عنى الشنطه -الفتاه/ بكل ارتياح --الراكب/ لو هتتعبك بلاش-- تنظر له بقرف --ينظر لها يرقص حاجبيه --لا تهتم به--على اليسار/ احنا لازم نهتم بالبلد اليومين دول وندى صوتنا للى يستحقه -الاخر /طبعا الاخر/ امال احنا فى زمن حريه الراى والبلد بقت ديمقراطيه راكب واقف --/ حريه ايه وكيلو اللحمه ب70ج والبطاطس مشموجوده والمصانع اتباعت والميه فيها سم والعيش ما يتكلش وكل حاجه زى الطين --راكب/ خلى عندك امل --الواقف/ امل مين يا حبيبى البلد دى مش لينا دى بتاعت الاغنياء ورجال الاعمال --يرد اخر --وبتوع الكوره والممثلين والرقاصات وتسلمى وهزى يا نواعم الجميع يضحكون --الكمسرى / حلوان حد نازل الام لابنها/يلى يا اسامه خلاص وصلنا --اسامه/ ماما بطنى بتوجعنى قوى الام/ خلاص يا حبيبى الدكتور على اول الشارع منه لله ابوك----رجل كبير يصرخ / انسرقت يا عالم المحفظه انسرقت --رجل راكب واخر/ العالم دى ما عندهاش ضمير الثانى/ مين اللى سرقك يا حضرت --الرجل الكبير/ مش عارف السائق/ لما تعرف ابقى قو ل لنا الرجل الكبير/ منه لله ده مرتب الشهر حرام عليه دنا عليه ديون --امراه منقبه لصاحبتها/ باين عليه موظف غلبان -الاخرى/ يعنى ايه -الاولى / رجعى المحفظه -الاخرى /انتى مجنونه -ما احنا كمان غلابه انتى ناسيه امك اللى بتموت عايزه علاج بالف جنيه نجيب لها منين --راكب لاخر/ ربنا يهدى الزمن ده مليان بلاوى السائق من على بعد/ كل واحد يخلى باله من نفسه مالناش دعوه لو حد اتسرق تانى --الفتاه الجميله/ تسمح ممكن اعدى عشان نازله المحطه الجايه --اتفضل الشنطه يا افندم --الرجل/ شكرا ممكن اوصلك لو تحبى انا نازل معاكى --الفتاه/ بمناسبه ايه --الرجل /لا يعنى لو تحبى --الفتاه/ شكرا راكب له/ يا اخى حس على دمك بتقولك شكرا انتم ايه بهايم --الكمسرى/ عين حلوان حد نازل --المحطه الجايه الاخر --يلى يا عبده هننزل --خلى بالك من فانوسك --الطفل/ حاضر لسه بيغنى يا ماما شوفى --الام/ فرحان يا عبده -الطفل/ يتنطط ونط وحوى يا وحوى --ينزل الجميع من الاتوبيس الفتاه تترك الشاب/ ايه راحه فين الفتاه/ لما تتصرف فى الشقه ابقى تعالى الشاب/ كده الفتاه/ اه انت حر انا ما اقدرشى ازعل ماما --الشاب الاخر/ اخيرا وصلنا يا نوال --نوال/ ياه --الشاب/ انا بحبك قوى نوال/ وانا كمان بس المره الجايه نركب تاكس --الشاب/ حاضر يا روحى --يخلى الاتوبيس من الناس وينادى الكمسرى امامه العتبه العتبه التحرير --رمسيس --الف مسن والماره ---يركبون ستار