عيد الميلاد يا عيد كل المحبين

[فايز كرم]

عيد الميلاد يا عيد كل المحبين
وانت يا مزينة العيد وأضوائو
مشتاق ضمك أنا من سنين
يا آسرة القلب كلّو وأشواقو
متل الطيور صرنا مغرومين
مني الغزل ومنك الآه يتلاقو
يا غبنك ياقلب شو معذب الحلوين
انت الحنون عالحلا و رفاقو
يا شايلة السلم بالعرض تخمين
وأنا صرت لكرم العنب سرّقو
ياريت ... نبقى بالهوى متحدين
أو متل مايقولو بحب القط خنّاقو
و بيقولو الناس عنا جوز مجانين
معليش ما دامك حبيبي ع طول العمر
وأنا تلميذ بحبك ومن عشّاقو

شحرور الضيعة
12\12\2011

[كاظم الفضلي]

شكراً على هذا النص اللطيف . مودتي لك

[فايز كرم]

اهلا اخي كاظم وشكرا لك ولتشجيعك.

[فايز كرم]

انت يا نجمة ساطعة فوق الخيال
انت بالحق رائعة وفائقة الجمال
من عيونك الخجلى لعيوني اكيد
بحبك يا اية حلا ....لحدود الكمال

[فايز كرم]

ياورد ....من خدودك تاهو حروفي
انت يابلسم .....للجرح يا ورد جوري
ومنك ... الياسمين ... غار واستحى
وانا ل سقيتو المي يشرب من كفوفي