لا يا وطن

[فردوس النجار]

لا يا وطن (ص1)
شفتك حبيبي مْخَيِّل وسرحان..عكتاف تل من الورد !
وحولك ضباب مليح!!
سميتك بْ وَقتا الرضا..وغطـَّا الغمام الريح!
ماشي وما بعرف شو ورى الغيوم ؟!يمكن سهد .. يمكن شتي .. يمكن شي دفـْقـْة خوف.. ولجَمْتْ المنام !
ماشي متل الجنود فتحوا معركة..
والكايني تزرع عداوة مْمَّسَّكِة!
وحجارة الطاحون تمضغني..وكسارة الحيطان تصفعني... وسيوف شلالات عا قـّدّ اليمام !
وغبار يتزحلق بنار البرد !
ولا في زهر مشلوح عالأسطوح .. ولا في كلام من الغزل مسموح
وأوقاتنا المُرَّة ما بَدَّا تروح !
_صار القرش ياكل ضفاف النور
وياخد معو المجرود والتنور!
وصار الوَدَع ألعاب
وصار الهروب اسراب
وصار البكي.....
يحرق شيطانك يا بكي الصياد !!
هالزَمْزَرِيْقـَة شجرة الجيران
حمْلِت معي الصرخات..وسكنِت معي الأنـَّات
يحرق شيطانك يا بكي الصياد !!
داعِس ع عيني والأهالي بعاد
قايد شمعتي وتحرِق الأكباد
لك هيدي بلدنا !!..تـْشـَرَّد ِت العباد
وين الحقيقة؟! وليش عم تنباد ؟!
كان الوجع مركون عالكتفين ..صار النزف مَلـْوِ العيون ..ولقمتي بالدَّين
وماتوا أهالي الدَّين !
صار الكذب ع خدودنا حْمْرَة
والرقاب وقعت بالصدور... الأمر من بَرَّا !
_غني يا إمي للصحو ..غني
بركي السنونو تقترب مني
غني مدى سنتين من ..رجس التتار
ولا تـْعدِّي شو اللي انهار من سمار
لك هيدا طريق الضو كـْلـُّوْ اسرار !!!!!
ردي السنونو للشجر ..
واحكيلي يَمِّي شوالخبر ؟ !!..
قال الشرف عم يحتضر.!.قال الأمل كـَبّ الصور !
_صوتك ياإمي زرار عم توعا
صوتك حلم بديار منزوعا
صوتك عم يقلي حكي بيشرح أزيز كبار
صوتك عم يآوي الضحك الكاين بقلبي غمار
ياااااااااااااااااااااا ديرتي يَمِّي ...

بحضنك أنا وبحتار ؟!
بهرب من القهر بتجي ..الخيمةِ عباب الدار
بهرب من الحر بتجي ..حرقة وألف مسمار
بهرب من الآه بتجي ..الغـّصَّات بالإعصار
_دخلك ياإمي تحَرَّزي ..
وأوعـِك لعب الكبار !!!!!!
أووووووووووووووووعِـكْ لعب الكبار !!!!!!


دمشق : الشاعرة فردوس النجارnj.fardous@yahoo.comA

[ريمه الخاني]

اهلا بجديدك شاعرتنا الكبيرة .
وآه ياوطن..

[فردوس النجار]

شكرا ريمتي الغالية لك حبي..دمتِ لنا

[كاظم الفضلي]

قصيدة جميلة ووطن أغلى ..
هكذا هي أقلامنا تكتب . نعم نكتب
مرة بمرارة ومرات ننشد عشقاً
لوطن المحبة والسلام . شكراً

[فردوس النجار]

شكرا لكرمك الأصيل ..شكرا لمرورك الغالي أخي كاظم الفضلي..دمت لنا متألقاً

[مصطفى السنجاري]

عشت رافلة بالشعر والروعة

تحياتي فارسة الحرف الاصيل والفكر النير

[فردوس النجار]

كل الشكر استاذي المبدع مصطفى السنجاري .. تحياتي..دمت لنا