نكت صائم!

[رغد قصاب]

كيف تقضي يومك بلا عطش !!


عندما تشعر بالعطش اجعل وجهك باتجاه القبلة، ثم حرك رأسك الى اليمين قليلاً ، ثم الى اليسار قليلاً، وان لم ترى أحد، اشرب الماء عالسريع
كرر هذه الخطوة عند اللزوم وباذن الله لن تشعر بالعطش.


انشرها لعل غيرك يستفيد، شكراً

[رغد قصاب]

الولد:
بتعرفي يا خالتي ، أنا فكرت رح أتعب من الصيام لكن ولا أثر علي وما حسيت فيه
ردت:
أنا أمك مش خالتك
روح اغسل وجهك
واقلب قميصك لابسه بالمقلوب
واشلح كندرة أختك


وجهز حالك لصلاة الظهر

[رغد قصاب]

وحدة ماشية ولابسة قصير ومتعطرة لابعد حدود الاغراءفي نهار رمضان .....
سألوها ليش تعملي هيك
قالت علي كفارة والشيخ قالي فطري 60 مسكين




الله لا يوفقها فطرت الشارع كله

[أسامه الحموي]

بعتنا لجيرانا شوربا


قام بعتولنا معجنات


قام بعتنا لمعجنات للجيران التانيين


قام بعتولنا لشوربا تبعنا


ماني فهمان هاد رمضان ولا تبادل اسر

[أسامه الحموي]

إذا 500 ألف سوري بالحد الأدنى .. بعتو كل يوم رسالتين لعند
"كاش مع باسم"، وبما أنو كلفة الرسالة 75 ليرة، يعني يومياً عم يفوت على سيريتيل 75 مليون ليرة.(سيرياتيل شركة هواتف محمولة)


وإذا منحسبون على طول الشهر بيطلعو 75 مليون * 30 يوم = 2250000000
يعني مليارين وميتين وخمسين مليون.


رح يوزعوا 250 مليون بالشهر الكريم .. وبتطلع سيريتيل بالحد الأدنى ربحانة مليارين خلال شهر واحد


عنجد سيريتل أقرب اليك

[لميس]

😂😂
تنويه إلى السيدات اللواتي يذهبن لصلاة التراويح في المسجد:

1- آمين يقولها فقط الرجال لا تعملي مسرح أوبرا في المسجد
واذا بنتك يلي بتصرخ أسكتيها قرصيها لاتجيبيها معك .
2- كلنا سمعنا دعائك وعلمنا أن ركبك بتوجعك أخفضي صوتك قليلاً على حب الله .
3- لا يوجد شيء اسمه هاد المكان محجوز لو سمحتي ليكها جارتي لطفية جايه وتقعدوا تتخانقوا مع بعض نحن لسنا في سرفيس الدائري الشمالي ولانقل داخلي مساكن هنانو .
4- نحنا جايين عالجامع للعبادة وليس لتبحثي لعروس لإبنك لذلك ركزي بالصلاة وبلا هالحركات المولويه والفتل .
5- اذا طابخة فتة ومليانه ثوم يرحم والديكي لا تأتي الى المسجد لا أنتي ولا زوجك ولا ولادك ولا جيرانك يلي سكبتيلون معلش كرمال الله لأنه المصلين رح يصفرنوا.
6- اذا في سيرة طويلة بدك تخبري فيها جارتك فأخبريها بها خارج المسجد او سردو عالأرضي بالليل بس ترجعو .
7- ارجوكي لا تركضي عند خروجك من المسجد مشان تلحقي المسلسل ، اطلعي بكير لأنو لبين ماتصيري برى بتكوني دعوستي بالغلط على رجلين نص المصليين .
8- لا داعي للبارفانات يلي مابقي حدا بالمسجد ماشم رائحته والفول ميكاب والايلانر واصل من عينك لاخر الجامع بالنهاية مالك نازلة عالشهبا روز .
9- في السجود ادعي بصوت منخفض لانو كل من في المسجد سمعك وانتي عم تدعي على حماتك وسلفتك وجيرانك بالبناية .
10- بالنسبة للأولاد ، كرمال الله ياربطيهن بالبيت يا لاتجي
ماحدا مضطر يشوف وسائلك تبع التربية الحديثة

[ميساء حلواني]

واحد سافر و اشتاق لزوجته فأرسل اليها رسالة :"اشتقت لك يا زوجتي الرابعة "
من سيقنعها انه خطا مطبعي كان يقصد زوجتي الرائعة ..

[أم محمود]

فتت عمحل الخضرة قلتلو عندك بردقان للعصر قلي ايه قلتلو وللمغرب ؟
من حظي حبة البطاطا اجت بالحيط 😂😂😂


شعب عدو المزح ! 😕

[اعتماد محفوظ]

[3:32 AM, 5/24/2018] omferas: تمام
[3:34 AM, 5/24/2018] omferas: تنكح المرأة لأربع:
" لِمالها و لِجمالها و لِحسَبِها و لِدِينِها "


جابوا سيرة الطبخ ؟ لا😊
جابو سيرة المنسف؟ لا😊
جابو سيرة السمبوسة؟ لا😊
جابو سيرة الشوربة؟ لا😊
جابو سيرة المقلوبة ؟ لا😊


اطفوا الغاز والفرن يا حريم
و تفرغوا للعبادة وللجمال والحياة 😏
وخلي أبو العيال يعمل اشتراك شهري
بمطعم محترم
قلت انشرها لتعم الفائده ولي الاجر

[اعتماد محفوظ]

وحدة عم تسأل شيخ
‏👩: مولانا اكلت جاط كبة بلبن و ظ¤ سمبوسك وشربت ليتر جلاب وناسية اني صايمة شو بعمل؟
‏👳: اعملي ارغيلة