عمي ألوان

[الشربينى خطاب]

عمي ألوان
تسلم إيدك يا فنان
خبير ف الحب مافيش زيُّك
بالكلمة ميِّزت الإخوان
وفرشت ع القمر ضيك
مسحت من قلبي الأحزان
فرجعت تاني لطبيعتي
ازعل وأضحك ف ثانية
ماهو ده طبع ا لإنسان
****
رسمت قلب
ابيض وأخضر
مزهزه فيه الألوان
عاشق بنية ذي السكر
الغصن طارح ورد ورمان
ماشيه الصبية بتتمختَّر
والخد مكسوف لونه أحمَّر
حتي العنين عنين غزلان
****
ودا قلب جاحد متكَّبَّر
باهت ولونه طالع اصفر
يأس وحيد و متكَدَّرْ
مسوِّدة لونه الأحزان
القلب الاسود من يومه
معششه فيه الأفكار
لا تبيَّضه ولا تلومه
لو حتي قادت فيه النار
د قلب حاسد للنعمة
حتي في الموت
ولون الأكفان
ناقم ع الخلق وحاقد
والغلْ صابه
بعمي ألوان

[ريمه الخاني]

مش كل رسام فنان
ماكل الرسامين بيلونوا الإنسان.
وعمى الالوان احنا عملناه..ربنا يعينك كيف حترسم و الحقيقه تبان؟
قلم من ذهب ياملك الشعر الشعبي

[فتى الشام]

لديك لمسه لدنه ورقيقه وقريبه للقلب
امر واحييك
فتى الشام